ОХУ-ын цэргүүд Украин руу дайрч эхэлсэнтэй холбоотойгоор Европын холбоо яаралтай 27 орны удирдагчдын хуралдаан зарлажээ. Хуралдаан эхлэхээс өмнө Европын холбооноос ОХУ-д хориг арга хэмжээ авч, Украинд санхүү, хүмүүнлэгийн тусламж үзүүлэхээ мэдэгдсэн юм.

Европын холбооны мэдэгдэлд:

“XXI зуунд ОХУ ингэж хүч хэрэглэж байгаа нь зөвхөн Европ тив төдийгүй дэлхийн аюулгүй байдал, батлан хамгаалахын тогтвортой байдлыг алдагдуулж байна. Мөн Украины эсрэг түрэмгийлэлд Беларусь Улс оролцсоныг Европын холбооноос эсэргүүцэж байгаа. Беларусь Улс олон улсын өмнө хүлээсэн үүргээ биелүүлэх хэрэгтэй” гэжээ.