ОХУ-ын Ерөнхийлөгч Владимир Путин Укрианд цэргийн тусгай ажиллагаа явуулах тушаал өгсөн тухай дүрс бичлэгээ гурван өдрийн өмнө бичүүлж, бэлдсэн байсан талаар Оросын хэвлэлүүд мэдээлж байна.

           Энэ талаар ОХУ-ын “Новая газета” сонин Владимир Путин дайн зарласан дүрс бичлэгээ гурван өдрийн өмнө буюу хоёрдугаар сарын 21-ний 19:00 цагт бичүүлж, файлын өгөгдлийг Кремлийн цахим хуудсанд байршуулж, бэлэн болгоод байсныг эрэн сурвалжилж, илрүүлснээ мэдэгджээ.

Одоогийн байдлаар Оросын арми Украины 10 бүс рүү халдаж, цэргийн штаб, нисэх онгоцны буудал, зэвсгийн агуулахууд руу цохилт өгөөд байна. Мөн Украины албаныхны баталгаажуулсан мэдээллээр Оросын цэргүүд Беларусь, Крымын нутгаас орж ирж байгаа юм.