АНУ-ын Ерөнхийлөгч Жо Байден Германы канцлер Олаф Шольцтой хэлэлцээ хийснийхээ дараа “дайнаас зайлсхийх боломж” олсноо нийтэд зарлажээ. Тэрбээр хийсэн мэдэгдэлдээ “Хэрэв ОХУ Украин руу цэргээ оруулбал ОХУ-аас дамжин Германд хүрэх байгалийн хийн хоолойн “Хойд урсгал-II” төслийг дуусгана” хэмээсэн байна.

Мөн Цагаан ордноос “ОХУ Украин руу дайралт хийхэд шаардлагатай цэргийн хүчнийхээ 70 хувийг бүрдүүлээд байгаа” талаар мэдээлээд байгаа юм. Украины хилийн бүс орчимд ОХУ 100 мянга гаруй цэргээ байршуулснаар олон улсын аюулгүй байдлын нөхцөл байдал хүндэрч байна. Дээрх асуудалтай холбоотойгоор барууны орнууд ОХУ-ыг Украин руу цэргээ цэргээ оруулж, түрэмгийлнэ хэмээн мэдэгдэж байгаа ч, хариуд нь Москвагаас үгүйсгэж байгаа.