Туркийн Улсын Ерөнхийлөгч Режеп Тайип Эрдоган ОХУ-ын Сочи хотод нэг өдрийн айлчлал хийхээр болсон. Тэгвэл уг нэг өдрийн айлчлалын үеэр ОХУ-ын Ерөнхийлөгч Владимир Путин, Турк Улсын Ерөнхийлөгч Режеп Тайип Эрдогантай уулзаж, хэлэлцээ хийхээр болсон талаар Кремлийн хэвлэлийн алба мэдээлжээ.

ОХУ-ын Ерөнхийлөгч Владимир Путин, Турк Улсын Ерөнхийлөгч Режеп Тайип Эрдоган нар уулзалтын үеэр эдийн засгийн түнлэл, худалдаа, Сири, Ливи, Афганистан, Өмнөд Кавказ зэрэг асуудлын талаар ярилцаж, хэлэлцээ хийх юм.

Хоёр улсын удирдагч 2019 оны эхний хагасаас 2020 оны гуравдугаар сар хүртэлх хугацаанд нийт 10 удаагийн уулзалт зохион байгуулсан байдаг. Улмаар “Ковид-19” цар тахал олон улсад тархсанаас хойших ОХУ-ын Ерөнхийлөгч Владимир Путин, Турк Улсын Ерөнхийлөгч Режеп Тайип Эрдоган нарын анхны уулзалт энэ болох гэнэ.

Эх сурвалж: TASS