АНУ-ын Нью-Йорк хотод НҮБ-ын Ерөнхий Ассамблейн 76 дугаар чуулганы дээд түвшний уулзалтад оролцож байсан Бразил Улсын Эрүүл мэндийн сайд Марсело Кэйрогагийн коронавирусийн шинжилгээний хариу эерэг гарчээ. Одоогийн байдлаар Бразилийн төлөөлөгчдийн багийн бусад гишүүний шинжилгээний хариу сөрөг гараад байгаа юм байна.

          Бразил Улсын Эрүүл мэндийн сайд Марсело Кэйрога “АНУ-ын Нью-Йорк хотод 14 хоногийн тусгаарлалтын дэглэмийг барьж, НҮБ-ын Ерөнхий Ассамблейн 76 дугаар чуулганы дээд түвшний уулзалт дууссан ч бусад төлөөлөгчийн хамтаар АНУ-аас гарахгүй. Халдварыг тархаахгүй барих болно” хэмээжээ. Үүнтэй холбоотойгоор Бразил Улсаас НҮБ-ын Ерөнхий Ассамблейн чуулганд ирсэн төлөөлөгчид бусад орны төлөөлөгч нарт халдвар тараах эрсдэлтэй тул дээд түвшний уулзалтад оролцохгүй болсон байна.

Эх сурвалж: CNN