• Өнөөдөр 2025-04-04

Баруун Европын хамгийн том газрын тос, байгалийн хий олборлогч Норвег Улсын парламентын сонгууль эхэллээ

2021-09-13,   523

Баруун Европын хамгийн том газрын тос, байгалийн хий олборлогч Скандинавын хойгийн Норвег Улсын парламентын сонгууль өнөөдөр буюу есдүгээр сарын сарын 13-наас эхэлж байна.

          Норвегийн парламентын сонгууль эхлэхээс өмнө хэд хэдэн НҮБ-ын гишүүн орон Норвегийн эрх баригчдаас газрын тос, байгалийн хийн олборлолтоос татгалзахыг шаардах болсон. Үүнтэй холбоотойгоор Норвегийн Ногоон намын байр суурь ихсэж, гишүүнчлэл нь 30 орчим хувиар өссөн юм. Ногоон намаас ээлжит Норвегийн парламентын сонгуульд “2035 оноос газрын тос, байгалийн хийн эрэл хайгуулыг зогсоож, бүрэн хориглох” зорилготой оролцож байгаа.

          Мөн Норвег Улс нөхөн сэргээгдэх эрчим хүчний хэрэглээгээрээ дэлхийд тэргүүлдэг. Норвег Улсын эрчим хүчний 95 орчим хувийг усан цахилгаан станц эзэлдэг бөгөөд шинээр худалдаанд гарч байгаа 10 автомашин тутмын долоо нь цахилгаан хөдөлгүүртэй байдаг юм байна. Тэгвэл Норвег Улсын одоогийн эрх баригч Консерватив нам болон гол сөрөг хүчин Лейбор нам “Газрын тос, байгалийн хийн олборлолтыг 2050 он хүртэл үргэлжлүүлж, олсон орлогоороо ногоон эрчим хүчний шилжилтэд хөрөнгө оруулах” зорилготой ээлжит сонгуульд оролцож байгаа аж.

Норвегийн ээлжит парламентын сонгууль хоёр өдрийн турш үргэлжлэх юм.

 

Эх сурвалж: DW, The Guardian


Баруун Европын хамгийн том газрын тос, байгалийн хий олборлогч Норвег Улсын парламентын сонгууль эхэллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.