БНПУ-ын Сонгуулийн байгууллагаас өчигдөр буюу долдугаар сарын 19-ний өдөр социалист Педро Кастиллог дараагийн Ерөнхийлөгчөөр сонгогдохоор болсон тухай мэдээлжээ.

Харин нөгөө жигүүрээс нэр дэвшсэн Кейко Фүжимори сонгуулийн дүнтэй санал нийлэлгүй гомдол гаргаж, давж заалдахаар болсон. Тэгвэл БНПУ-ын Ерөнхийлөгчийн сонгууль үнэн, шударга болсныг Америкийн мужуудын байгууллага, Европын холбоо, Их Британийн төлөөлөгчид баталсан юм.

Жирийн нэгэн тариачны хүү, дунд сургуулийн багш асан, өдгөө 51 настай Педро Кастилло Ерөнхийлөгчийн сонгуульд улсынхаа Үндсэн хуулийг шинэчилж, уул уурхайн компаниудын татварыг нэмэгдүүлэх амлалт өгсөн аж. Тэрбээр энэ сарын 28-нд дэлхийд зэсийн үйлдвэрлэлээрээ хоёрт ордог БНПУ-ын төрийн тэргүүнээс сонгогдохоор болжээ.

Эх сурвалж: Reuters