Куба Улсын иргэд Коммунист Засгийн газраа эсэргүүцэн өнгөрсөн амралтын өдөр эсэргүүцлийн жагсаалаа эхэлж байсан талаар бид мэдээлсэн. Эсэргүүцлийн жагсаал эхэлсэн өдөр аюулгүй байдлын хүчнийхэн 100 гаруй жагсагчийг баривчилсан, аль эсвэл сураггүй болсон гэж эрх баригчид мэдээлж байлаа. Тэгвэл тус улсын Дотоод хэргийн яамны жагсаалын үед цагдаа болон иргэдийн дундах мөргөлдөөний үеэр хүний амь эрсдсэн талаар мэдээлэв. 2021 он гарснаас хойш Мьянмар, ОХУ гээд хүний амь эрсдсэн жагсаалууд бүртгэгдэж байгаагийн нэг боллоо.

-“Дийлдэшгүй” коммунизм-

          Эсэргүүцлийн жагсаалд оролцож байгаа жагсагчдын мэдээлснээр Куба Улсын эдийн засаг 10 гаруй жилийн хугацаанд уналтад ороод байгаа юм. Тэгвэл “Ковид-19” цар тахлын үед АНУ хориг арга хэмжээ авч эхэлснээр Куба Улсын эдийн засаг “цагаан тугаа” барьсан аж. Халдвараар өвдсөн болон бусад суурь өвчинтэй иргэд эм, тариа болон хоол, хүнсний дутагдалд орсон байна. Улмаар Куба Улсын иргэд тэсвэр алдаж, ийн эсэргүүцлийн жагсаал зохион байгуулсан аж.

          Куба Улсын Засгийн газраас эсэргүүцлийн жагсаалын үеэр хэчнээн хүн гэмтэж, баривчлагдсан талаар мэдээлэл өгөөгүй. Даваа гарагийн жагсаалын үеэр аюулгүй байдлын хүчнийхэн иргэдтэй мөргөлдөж, олон хүн бэртсэнийг олон улсын агентлагуудын сэтгүүлч, зураглаачид баримттайгаар олон нийтэд мэдээлсэн. Тэгвэл жагсаалын үеэр сэтгүүл зүйн хэвлэн нийтлэх эрх ноцтой зөрчигдөж, Куба Улсын аюулгүйн хүчнийхэн “CNN”, “Associated Press” зэрэг олон улсын агентлагуудын сэтгүүл, зураглаачийг баривчилсан байна. Тайван үргэлжилж байсан эсэргүүцлийн жагсаалын талаар Куба Улсын Ерөнхийлөгч Мигель Диаз-Канел “Эсэргүүцэгчдийн эсрэг тэмц” гэж дэмжигчдээ уриалсан нь эсэргүүцлийн жагсаалыг мөргөлдөөн болгож хувиргасан байна.

Кубын эсэргүүцлийн жагсаалын ФОТО:

Эх сурвалж: CNN