• Өнөөдөр 2024-03-29

БОЛОВСРОЛЫН ЗЭЭЛИЙН САНГИЙН “ХУЛГАЙ” БУЮУ ТОМЧУУДЫН ХҮҮХДҮҮДИЙН ТЭТГЭЛЭГ – II

2023-05-18,   1804

Зарим улстөрч, төрийн өндөр албан тушаалтан ЖДҮХС, ХААДС зэрэг төрийн санг “тонож”, Хөгжлийн банкийг “хоосолсон” нь багадаж, эрх мэдэл, танил талаа ашиглан хүүхдүүдээ гадаадын сургуульд зээлээр сургаж, Боловсролын зээлийн санг “цөлмөх” болсон талаар бид өмнөх дугаартаа хүргэсэн. Тэгвэл энэ удаад энгийн иргэдийн хүүхдэд ч олдох байсан боломжийг булаасан болон БЗС-гаас зээл авсан эрх бүхий албан тушаалтнуудын хүүхэд гадаадын жижиг, нэр хүндгүй сургуульд сурсан болж диплом авч ирээд, боловсролын чанараа, гадаадад сурч байгаа оюутнуудынхаа нэр нүүрийг ч “хөөдөж” байгаа хэдэн жишээг ил болгож байна.

-УИХ-ЫН ГИШҮҮН АСАН Д.ЛҮНДЭЭЖАНЦАНГИЙН ХҮҮ МӨНХДЭМБЭРЭЛ ИХ БРИТАНИ ДАХЬ ЭЛЧИН САЙДЫН ЗӨВЛӨХ БОЛЖЭЭ-

УИХ-ын гишүүн асан Д.Лүндээжанцангийн хүү Мөнхдэмбэрэл 2009 онд гадаадад магистр, докторт суралцахаар Боловсролын зээлийн сангаас 32 мянган ам.долларын зээл авчээ. Ингэхдээ зээлийн эргэн төлөх хугацаагаа журамдаа тусгалгүй зээл авсан бөгөөд хоёр жил Япон дахь Ази, Номхон далайн их сургуульд Ази, номхон далайн менежментээр мэргэжил дээшлүүлчихээд ирсэн аж.

Л.Мөнхдэмбэрэл өмнө нь Шихихутаг их сургуулийг хуулийн чиглэлээр төгсөж, тус сургуульдаа магистрын зэрэг хамгаалжээ. Улмаар БЗС-гаас зээл авч сурсан Ази, Номхон далайн их сургуулиа төгсөж ирээд Их Британийн Нэгдсэн Вант Улсад суугаа Элчин сайдын зөвлөхөөр ажиллах болсон байна. Л.Мөнхдэмбэрэл 2020 онд мэдүүлсэн ХОМ-тээ 188 сая төгрөгийн орлоготой, гэр бүлийн орлого нь 79 сая төгрөг, 505 сая төгрөгийн хоёр орон сууц, гарааш, 15 сая төгрөгийн “Toyota Rush - 1” автомашин, 10 сая төгрөгийн газартай, дотоодод 409 сая төгрөгийн хадгаламж, гадаадад 1.9 сая төгрөгийн хадгаламжтай гэж мэдүүлжээ. Мөн тэрбээр “Язгуур капитал ББСБ” ХХК-ийн хувьцаа эзэмшдэг юм байна.

 

-УИХ-ЫН ГИШҮҮН, ХХААХҮ-ИЙН САЙД АСАН Т.БАДАМЖУНАЙГИЙН ОХИН ОЮУНБИЛЭГ БЗС-ГИЙН МЭДЭЭЛЭЛ ИЛ БОЛСНООС ХОЙШ “ӨР”-ӨӨ ДАРЖЭЭ-

Засгийн газраас хэрэгжүүлж буй “Шувуу” ажиллагааны хүрээнд Филиппин Улсаас авчраад буй УИХ-ын гишүүн, ХХААХҮ-ийн сайд асан Т.Бадамжунайгийн охин ч БЗС-гаас “дутсангүй”. Т.Бадамжунайгийн охин Оюунбилэг нь гадаадад магистр, докторын зэрэгт суралцахаар 32 мянган ам.долларын зээл авчээ. Б.Оюунбилэг Канадын Ватерлоогийн их сургуульд аялал жуулчлалын бодлогын чиглэлээр хоёр жил суралцаж төгссөн ч БЗС-гаас авсан зээлийн эргэн төлөлт нь үлдэгдэлтэй, “чанаргүй” зээл болоод байсан аж. Харин БШУ-ы сайд Л.Энх-Амгалан мэдэгдэл хийж, БЗС-гийн мэдээллийг болгосноос хэдхэн хоногийн дараа зээлээ төлж, БЗС дээрх мэдээллээ засуулсан байна.

Тайлбар: Б.Оюунбилэг хувь эзэмшдэг "Арума" ХХК-ийн кофены үйлдвэр дээр

Б.Оюунбилэг нь өдгөө эх орондоо ажиллаж, амьдарч байгаа бөгөөд “Алтан хот ББСБ” ХХК, “Арума” ХХК, “Дармадари” ХХК, “Танан сэтгэл” НҮТББ, “Түрүү таван эрдэнэ” ХХК, “Фасткомфорт” ХХК, “Эс Эм Ай Ти” ХХК-д хувьцаа эзэмшдэг. Үүнээс ашгийн зорилгоор гадаад валютын худалдаа, зээлийн үйлчилгээ үзүүлдэг “Алтан хот ББСБ” ХХК-д НИТХ-ын дарга Ж.Батбаясгалантай хамт хувьцаа эзэмшдэг юм байна. Харин НИТХ-ын даргаар ажиллаж буй Ж.Батбаясгалан нь Т.Бадамжунайг УИХ-ын гишүүн байхад туслах, зөвлөхөөр нь ажиллаж байсан намтартай нэгэн аж.

 

-МХЕГ-ЫН ДЭД ДАРГА АСАН Г.СУГАРБАТЫН ХҮҮ БЗС-ГААС 110 МЯНГАН АМ.ДОЛЛАРЫН ЗЭЭЛ АВЧЭЭ

МХЕГ-ын дэд дарга асан Г.Сугарбатын хүү гадаадын их сургуульд бакалаврт суралцахаар БЗС-гаас 110 мянган ам.долларын зээл авчээ. Тодруулбал, Сугарбатын Хүслэн нь Америкийн Калифорнийн их сургууль Беркелид эрчим хүчний инженер мэргэжлээр дөрвөн жил сурахаар 110,388.99 ам.долларын зээл авсан байна. Өдгөө С.Хүслэн Беркелид суралцаж байгаа бөгөөд сургуулийнхаа оюутны холбоо, олон улсын оюутны холбоо зэрэг холбоо, клубийн гишүүн аж.

 

-УИХ-ЫН ГИШҮҮН Х.БАДЕЛХАН ОХИН АРНАГАА БЗС-ГИЙН ЗЭЭЛЭЭР АНУ-Д СУРГАЖЭЭ-

Цагтаа ЖДҮ-гийн дуулианд ч нэр холбогдож явсан УИХ-ын гишүүн Х.Баделхан БЗС-гийн зээлээс ч хоцроогүй юм байна. Тодруулбал, УИХ-ын гишүүн Х.Баделханы охин Арна гадаадад магистр, докторт суралцахаар БЗС-гаас 16 мянган ам.долларын зээл авчээ. Уг зээлээр Б.Арна нь Америкийн Де Врайсийн их сургуульд төрийн захиргааны удирдлагын чиглэлээр хоёр жил сурсан аж.

 

ҮРГЭЛЖЛЭЛ БИЙ...

 


БОЛОВСРОЛЫН ЗЭЭЛИЙН САНГИЙН “ХУЛГАЙ” БУЮУ ТОМЧУУДЫН ХҮҮХДҮҮДИЙН ТЭТГЭЛЭГ – II
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 12
  • Сэтгэгдэл үлдээсэн: 2023-06-13 08:42:53
    Ялтангууд чөлөөтэй яваад байж болохгүй: Гэмт хэрэгтнүүд үйлдэл дээрээ баригдсан байна. Одоо албан тушаалаа ашигласан этгээдүүд, мөн гэрээ байгуулан зээл аваад буцаан төлөөгүй этгээдүүдийг яаралтай баривчлан Монгол Улсын татвар төлөгчдийн хөрөнгийг буцаан төлүүлж, гэмт хэрэгт нь тохирох ял оноо.
  • Сэтгэгдэл үлдээсэн: 2023-05-19 11:55:25
    ИРГЭН: МОНГОЛЫН ТӨР, ЗАСАГТ АРИУН ЮМ ГЭЖ БАЙНА УУ ?
  • Сэтгэгдэл үлдээсэн: 2023-05-18 16:50:11
    зээлээ төлөөч: ЭРХ мэдлээ ашиглаж зээл авсан. Авч болсон юм одоо зээлээ төл дөө.
  • Сэтгэгдэл үлдээсэн: 2023-05-18 13:11:24
    irgen : Hunii shunal aguu yumaa. Badamjunai tursun huuhdiinhee bolovsrold hurungu oruulalt hiij ch chadahgui shunaltan bayan yumaa . uruvdmuur ch yum shig . Hurdan tuluuch Ulaan baatar hotod barij bgaa baishin burees bair avaad suuj bdag gazriin naimaachin yum gesenshd. Uls ornoo iim bolgosniih ni tuluu tsaazlahad ch bagadna.
  • Сэтгэгдэл үлдээсэн: 2023-05-18 12:14:56
    ИРГЭН: НОВШНУУД . ХУРДАН ТӨЛ
  • Сэтгэгдэл үлдээсэн: 2023-05-18 12:14:03
    жирийн иргэн: ХУРДАН ТӨЛ ӨӨ
  • Сэтгэгдэл үлдээсэн: 2023-05-18 12:13:37
    НАСТАН: ДАНДАА ЯДУУС НЬ ЗЭЭЛ АВСАН БАЙНА Ш ДЭЭ . АВСАН БОЛ ХУРДАН ХҮҮТЭЙГЭЭ ТӨЛ ӨӨ
  • Сэтгэгдэл үлдээсэн: 2023-05-18 12:12:53
    Ард түмэн : ЭНЭ ЧИНЬ ТАТВАР ТӨЛӨГЧДИЙН МӨНГӨ ШҮҮ ДЭЭ . ШҮҮХЭЭР ЯАРАЛТАЙ ХҮҮГИЙН ХАМТ ТӨЛҮҮЛЭЭЧ ЭЭ
  • Сэтгэгдэл үлдээсэн: 2023-05-18 12:12:01
    Ард түмэн : ХУРДАН ТӨЛҮҮЛЭЭЧ ЭЭ :
  • Сэтгэгдэл үлдээсэн: 2023-05-18 12:11:30
    Ард түмэн : ХУЛГАЙЧ . ТА НАРЫН ТӨР БАРИХ Ч ГЭЖ ДЭЭ
  • Сэтгэгдэл үлдээсэн: 2023-05-18 10:28:28
    би: зээл жирийн иргэдэд олддог бол хүүхдээ гадагшаа сургамаар л бна шд.
  • Сэтгэгдэл үлдээсэн: 2023-05-18 09:34:14
    Зочин: Зээлээ төлөөч, хархнууд аа. Ардын хүүхдийн боломжийг хулгайлж хүүхэддээ өгчөөд аав ээжид нь хайртай дахин сонгоод өгөөч гэж матар царайлахаа болиорой
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188