Сэтгүүлч Н.Өнөрцэцэгийн  шүүх хурал өнөөдөр  10:00 цагт эхэлсэн.  Н.Өнөрцэцэгийн хэргийг Нийслэлийн Эрүүгийн хэргийн Давж заалдах шатны шүүхийн шүүгч Б.Зориг шүүж, улсын яллагчаар Н.Улсболд, Б.Энх-Эрдэнэ нар оролцсон юм.

Тэгвэл нийслэлийн давж заалдах шатны шүүхээс Н.Өнөрцэцэгт холбогдох Эрүүгийн хэргийн шийдвэрийг танилцууллаа. Шүүхээс Н.Өнөрцэцэгт холбогдох хэргийг хаалттай хэлэлцэж магадлал гаргалаа. Магадлалаар анхан шатны шүүхийн шийдвэрийг хэвээр үлдээж, хэргийн үйл баримтад үндэслэл бүхий дүгнэлт хийсэн гэж үзжээ. Н.Өнөрцэцэгт анхан шатны шүүхээс оногдуулсан эрүүгийн хариуцлага нь үйлдсэн хэрэгт нь нийцсэн байна гэж 4.9 жилийн хорих ялыг хэвээр үлдээлээ. Өмгөөлөгч нарын шүүгдэгч нарын гомдлыг хэрэгсэхгүй болгожээ.