Хөдөө аж ахуйн салбарын 6.6 их наяд төгрөгийн хулгайн талаар болон цаг үеийн асуудлаар АН мэдээлэл хийлээ.

    УИХ-ын гишүүн Л.Мөнхбаясгалан “Хоёр өдрийн өмнө дуулиан татсан төрөөс олгож байгаа урамшуулал, дэмжлэг, зээлийн хүүгийн татаас ХХААХҮ-ийн салбарт хэрхэн хэрэгжиж байгаа, энэ мөнгийг яаж хүмүүст олгосон, хэмжүүр  болон тухайн салбарт бүтээмж гарсан эсэх ажлын хэсэгт ажиллаж байсан гишүүний хувиар мэдээлэл хийсэн. Монгол Улсын Засгийн газар болон Дамдинням сайдыг өнгөрсөн долоодугаар сараас хойш маш тэвчээртэй хүлээсэн. Шатахууны хомсдол долоодугаар сараас бодитоор эхэлсэн. Тухайн үед миний бие Дамдинням сайдтай хэд хэдэн удаа утсаар ярьсан. Одоо бол хүлээж чадахгүй. Энэ сайд нар өөрсдөө энэ хүйтэнд нэг удаа гадаа хонож, шатахуун авахын тулд дугаарлаж үзсэн үү? Хөдөө явж байгаад шатахуун нь дуусаад хээр хонож үзсэн юм уу. Энэ асуудлуудыг ерөөсөө шийдэхгүй байна. Дамдинням сайд өөрөө их ажилтай байгаа юм шиг өнөө үлгэрээ ярьсаар гурван сар боллоо.

2025 оны зургаадугаар сард Дамдинням сайдын суудалдаа суусан. Сайд болохдоо бүхнийг чаддаг, мэддэг гэж УИХ-д тангараг өргөсөн. 2025 оны 12-р сарын 12-нд Дамдинням сайд өөрийн лоббигоор, өөрөө санаачилж “Стратегийн ач холбогдол бүхий бүтээгдэхүүн хангамж нийлүүлэлтийг дэмжих тухай хууль”-г ганц өөрийн биеэр өргөн барьж, УИХ-аар арван хоёрдугаар сарын 12-ны өдөр батлуулсан байгаа. Энэ хуулийн хүрээнд 500 тэрбум төгрөгийг шатахууны нөөцийн сав барих зээл өгөх төсөл байгаа юм. Энэ нь анх 13.5 хувийн хүүтэй явж байсан. Гэтэл арилжааны банкнууд шимтгэлээ нэмээд 18 хувийн хүүтэй болсон. энэ 18 хувь өнөөдрийн бодит байдал дээрээ 9 хувийн хүү болж буурсан. Мөн дахин нэг зээлийн хүүгийн татаасыг татвар төлөгчдийн мөнгөөр буюу улсын төсвөөс 2026 онд 20 тэрбум төгрөгийг авсан. Эндээс “Шунхлай ХХК” 30 тэрбум, “Петро Хаан ХХК” 10 тэрбум, “Шинэ Эрин Ойл” зургаан тэрбум, “Монсуль” таван тэрбум 170 сая 500 мянга, “Синчи ойл ХХК” 5.1 тэрбум, “Тэс Петролиум” таван тэрбум, “Сан Петролиум ХХК” таван тэрбум, “Сод Монгол ХХК” 3 тэрбум 131 сая төгрөг авсан. “Сод Монгол ХХК”-ны тухай дахин нэг зүйл хэлэхэд 2025 оны есдүгээр сарын 17-нд “Эрдэнэс Таван Толгой”-оос 450 тэрбум төгрөгийн дизель түлш нийлүүлэх тендерт ганцаараа орсонд Дамдинням сайдыг хардаж байгаа. “Өү Жи Энержи Ойл ХХК” хоёр тэрбум 750 сая, “Веллком” 2 тэрбум 750 сая, “Петромаяан” 2.7 тэрбум, “Интернешнл” 2.5 тэрбум, “Морьт Говь Ойл” 2.5 тэрбум, “Леброн Энержи” хоёр тэрбум, “Ди Пи Ойл” 750 сая, “Хөрс Автосервис” 597 сая төгрөгийг тус тус арилжааны банкнуудаар дамжуулан авсан.

2025 оны зургаадугаар сард Дамдинням сайдын суудалдаа суусан. 

Гадаадаас импортолж байгаа нефтийн бүтээгдэхүүн дээр манай улсын зах зээл дээр хоёр тэрбум 500 сая долларын хөрөнгө эргэлдэж байдаг. Улс дандаа шатахууны үнийг хэт өсөхөөс сэргийлдэг байсан бол Дамдинням сайд А92 төрлийн шатахууныг 2000 төгрөгөөр нэмсэн. Мөн шатахууныг оруулж ирэхдээ татварыг хөнгөлүүлдэг, улсын төсвөөс 20 тэрбум авсан. Ингэхээр тэр хоёр тэрбум 500 сая долларын хөрөнгө  Дамдинням сайдын хувийн эрх мэдэлд шилжиж байна. Мөн 2025 оны нэгдүгээр сарын 22-нд АҮБХ-с засгийн газарт чиглэл өгсөн. Нийт долоон зүйлийн чиглэл өгсөн ч одоо болтол нэг нь ч хэрэгжээгүй байна. Хамгийн сүүлчийн нэг тэрбум 600 сая доллар болгохыг УИХ-аар соёрхон батлуулахад манай ажлын хэсэг хүчтэй эсэргүүцээд, болиулах гэж оролдоход “Засгийн газарт чиглэл өгчих. Бид нар чиглэлийг чинь зүйл, заалтаар нь хэрэгжүүлнэ” гэж худлаа ярьсан. Дамдинням сайд Жононбаяр хоёр онгоц унаад, зугаалаад л явж байдаг. Энэ сайд ард иргэдээ боддоггүй” гэв.