Ази тивийн XX их наадмын жүдо бөхийн тэмцээн  эхэллээ. Эхний өдөр эмэгтэйчүүдийн 48 кг-ын жинд ОУХМ Г.Наранцэцэг, 52 кг-ын жинд ОУХМ Б.Уранзаяа, эрэгтэйчүүдийн 60 кг-ын жинд ДАШТ-ий мөнгөн медальт, Монгол Улсын гавьяат тамирчин Э.Ариунболд, 66 кг-ын жинд ДАШТ-ий хүрэл медальт, ОУХМ К.Ёолк нар дэвжээнд өрсөлдөнө.

   Дэлхийн аваргын мөнгөн медальт, МУГТ  Э.Ариунболд эрэгтэйчүүдийн 60 кг-ын жингийн нэгдүгээр тойрогт гоц мөргөн ялалт авсан. Улмаар дараагийн тойрогт Индонез Улсын  Muhammad  Rizqi MAULANA  ялж, “D” хэсгийн аваргын төлөө олимп, дэлхийн аварга Казахстаны  Yeldos  SMETOV-той барилдахаар боллоо.

  Харин эрэгтэйчүүдийн 66 кг-ын жингийн “А” хэсгийн нэгдүгээр тойрогт ОУХМ  К.Ёолк гоц мөргөн ялалт авсан. Хоёрдугаар тойрогт Афиганистаны Hikmatullah RAHMANI-ийг яллаа. Одоо “А” хэсгийн аваргын төлөө Тажистаны “Шилдэг  тьамирчин” Nurali EMOMALI-тай барилдана.

   Эмэгтэйчүүдийн 48 кг-ын жингийн “А” хэсгийн аваргын төлөө ОУХМ Г.Наранццэцэг, Тажикстаны Akhliya MUMINOVA-той өрсөлдөнө. Эмэгтэйчүүдийн 52 кг-ын жингийн “D” хэсгийн аваргын төлөө залуу тамирчин Баянмөнхийн Уранзаяа, Тажикстаны Madina  QURBONZODA-тай тус тус барилдана.