Цагдаа, дотоодын цэргийн байгууллагын үйл ажиллагаанд дэвшилтэт техник, технологи, тоног төхөөрөмжийн ашиглалтыг нэмэгдүүлэх зорилгоор “Байгууллагын үйл ажиллагаанд нисгэгчгүй нисэх төхөөрөмж ашиглах” сургалтыг өчигдөр эхлүүлжээ.

    Мэргэшүүлэх сургалтаар нисгэгчгүй нисэх төхөөрөмжийн хэрэглээний өнөөгийн байдал, радио давтамжийн зохицуулалт, төхөөрөмжийн баталгаажуулалт, ашиглалтын талаарх мэдлэг, ур чадварыг дээшлүүлэх онол, дадлагын хичээл зохион байгуулжээ.

     Сургалтад аймгийн цагдаагийн газар, хэлтэс болон нийслэлийн дүүргийн цагдаагийн газрын 40 алба хаагч хамрагдаж байна. Сургалтын үр дүнд алба хаагчид нисгэгчгүй нисэх төхөөрөмжийн удирдлагын үндсэн функцүүдийг ашиглах, орчны баримжаа авах, төхөөрөмжийг аюулгүй жолоодох, нислэг үйлдэх анхан шатны мэдлэг, ур чадвар эзэмших юм.

Ингэснээр цагдаа, дотоодын цэргийн байгууллагын үйл ажиллагаанд нисгэгчгүй нисэх төхөөрөмжийг үр ашигтай, аюулгүй ашиглах алба хаагчдын чадавхыг нэмэгдүүлэх ач холбогдолтой.