Олонд “Эх оронч” дүрээр танигдах гэж улс төрийн сонгуульт ажлуудаа хийж ирсэн С.Ганбаатарын үнэн төрх улам ил болж байна. Ухаандаа уран, Оюутолгой гэгчлэн гаднын хөрөнгө оруулалтыг гацах технологиор гаршиж байгаа тэрбээр улс орныхоо төлөө гэхээс илүү гуравдагч хөршийн бодлогыг эсэргүүцэж ирсэн нь бодит үнэн. Нэг ёсондоо тэр эзэндээ үйлчилж, гуравдагч хөршийн томоохон хөрөнгө оруулалтыг эсэргүүцэх, ард түмний толгойг эргүүлэх даалгавраа дуулгавартай хэрнээ хичээнгүй гэгч нь хийж яваа.

           Өдгөө Ардчилсан намд элсэж, Ерөнхийлөгч асан Х.Баттулгатай дөрөө хоршуулснаар хойд хөршид хүчин зүтгэх улс төрийн замналдаа эргэлт буцалтгүй орсон гэж болно. Ингэж хардах үндэслэл, сэжүүрч цөөнгүй байгааг хууль, хяналтын байгууллагынхан шалгаж байгаа билээ. Цаашлаад С.Ганбаатар хойд хөршийнхөнтэй “халаас” нэгтэй явж ирснийг батлах сэжүүр байна.

        УИХ-ын гишүүн С.Ганбаатар бизнесээ хадмууддаа “даатгаж” өөрөө уснаас хуурай гарах технологийг хэрэгжүүлж яваа зальтай нэгэн гэдгийг нүүрсний хулгайн асуудлаас эхлээд олон нийт мэдэхтэйгээ болсон. Тиймдээ ч эхнэрийнхээ нэр дээр компаниудаа хадгалж, хань хамсаатанд нь тендер олж өгөөд өөрөө далдаас удирддаг нь ч нууц биш юм. Түүний хамгийн ойрын жишээ нь, эхнэр Б.Тунгалагынх нь үеэл дүү болох Бүргэдбазарын Майнбилэг түүний нөхөр З.Баяр нарт Дарханы төв цэвэрлэх байгууламжийг босгох Азийн хөгжлийн сангаас хөрөнгө босгож өгсөн байж болзошгүй баримт билээ.

      Цаашлаад УИХ-ын сонгуулийн санхүүжүүлэгчид нь С.Ганбаатарын хадмууд буюу эхнэр Б.Тунгалагийнх нь авга ах Б.Бүргэдбазар түүний хүүхдүүд байсныг санаж буй биз.

         Тэгвэл С.Ганбаатар баз З.Баяр гэгчээрээ дамжуулж, монголд бизнесийн үйл ажиллагаа явуулдаг ОХУ-ын бизнесийн томчуудтай халаас нэгтэй хамтрагчид болсныг батлах өөр нэгэн баримт байна. Нэг ёсондоо С.Ганбаатарын баз З.Баяр нь ОХУ-ын иргэншилтэйгээс гадна эхнэр Б.Майнбилэгийгээ томоохон хөрөнгө оруулагч, импортлогчидтой халаас нэгтгэж чадсан нөлөөтэй гэнэ аж.

       Тодруулбал, С.Ганбаатарын хадам дүү Б.Майнбилэг “Феникс” ХХК-ийг С.Жавхлан, ОХУ-ын иргэн Черных Антон Александрович нартай эзэмшдэг. Харин Б.Майнбилэгийн нөхөр З.Баяр тус компанийн гүйцэтгэх захирлаар ажилладаг бол “Феникс” ХХК-ийг эзэмшигчээр  “Феникс групп” ХХК бүртгэлтэй байна. “Феникс групп” ХХК-ийн гол эзэмшигч нь мөн л Черных Антон Александрович гэгч аж. Цааш судалж үзвэл, Черных Антон Александрович нь Монгол Улсад 16 жил үйл ажиллагаа явуулсан шатахуун, тээвэр, ложистик, худалдааны салбарт ноёрхлоо тогтоосон "Монретранс Групп"-ийн эзэн байна.  Нэг ёсондоо шатахуун, тээвэр, ложистик гээд хойд хөршөөс хамааралтай хамгийн гол салбаруудад Б.Майнбилэгийн бизнесийн хамтрагч "Монретранс Групп"-ийн эзэн Черных Антон Александрович гэгч эзэн суудаг гэсэн үг.

         “Монретранс” группийн нэр дээр “МРТ карго”, “МРТ менежмент” “МРТ ойл”, “МРТ трейдинг”, “Транс-Ойл” зэрэг Монгол Улсад үйл ажиллагаа явуулдаг зургаан компани бий.  

        Үүнээс “Монретранс” ХХК нь Химийн хорт болон аюултай бодис экспортлох, импортлох, хил дамжуулан тээвэрлэх, үйлдвэрлэх, худалдах, ашиглах тусгай зөвшөөрөл эзэмшдэг, гадаад худалдаа, олон улсын тээвэр зууч, төмөр замын тээвэр зуучийн үйл ажиллагаа явуулдаг компани. Охин компаниудаар дамжуулан тээвэр тээвэр зууч, барилгын материал, хүнсний бараа, тос тосолгооны бүтээгдэхүүн, хөдөө аж ахуйн бүтээгдэхүүний худалдааны импортлогч гэдгээрэй алдартай.

         Тухайлбал, тус команийн “МРТ ойл” ХХК нь гэхэд л 2015 оноос ОХУ- ын "Газпромнефть-СМ" компанийн тос, тосолгооны материал болох "Газпромнефть", ба "G-Energy", "Роснефть" брендүүдийг Монголын зах зээлд нийлүүлж, уул уурхай, эрчим хүчний салбарыг тос тосолгооны материалаар хангаж ирсэн. Цаашлаад “МРТ ойл ХХК нь Дулааны II цахилгаан станцад турбин тос нийлүүлэх, “Шивээ-Овоо” ХХК-д т Уулын тоног төхөөрөмжийн тос тосолгооны материал, “Эрдэнэт ТӨҮГ”-т техникийн тос нийлүүлэх,  “Таван толгой түлш” ХХК, “Дорнодын бүсийн эрчим хүчний систем”д тос нийлүүлэх тендерт тус тус шалгарч байсан түүхтэй аж.

       Улмаар “МРТ корго” ХХК нь ОХУ-аас Монгол Улс руу 76*40 футын чингэлгийн галт тэргийг явуулдаг.  Төмөр замын ачаа тээврийн голлогч компани юм байна. Тэгэхээр ОХУ-аас хамааралтай импортын хамаг голлох салбарыг гартаа атгасан хөрөнгө оруулагчидтай УИХ-ын гишүүн С.Ганбаатар хадам дүү Б.Майнбилгээрээ дамжуулж халаас нэгтгэсэн нь энэ. Улмаар УИХ-ын гишүүн С.Ганбаатар МҮЭХ-ны дарга байхдаа ч шатахуун импортлогчидтой тун ойрын харилцаатай байж, шатахууны үнийг буулгахад алага ташин баяр хүргэж байсан удаатай. Иймд С.Ганбаатар ОХУ-ын гол импортын бүтээгдэхүүний бизнест ил далд оролцоотой байдаг гэдэг. Үүгээр нь улс төрийн хүрээнийхэн түүнийг оросоос санхүүждэг гэж цоллох нь бий.