• Өнөөдөр 2024-03-29

Сангийн сайд Ч.Хүрэлбаатар Засгийн газрын нэрийг барьж Нью-Йоркийн шүүхээс нэхэмжлэл татсан уу

2021-01-30,   2352

-УИХ-ЫН ГИШҮҮН С.ГАНБААТАРЫН ӨЛСГӨЛӨН ҮР ДҮНГЭЭ ӨГЧЭЭ-

УИХ-ын гишүүн С.Ганбаатар Оюутолгойн асуудлаар хэд хэдэн шаардлага тавьж Сүхбаатарын талбай дээр дөрөв хоног өлсгөлөн зарлав. Өчигдөр орой Хууль зүйн сайдын үүрэг гүйцэтгэгч Х.Нямбаатар очиж уулзаад, түүнийг хэлэлцээрийн ширээнд урьсан. Ингээд Төрийн ордонд ирж МАН-ын бүлгийн дарга Д.Тогтохсүрэнгийн өрөөнд УИХ-ын гишүүн Б.Бат-Эрдэнэ, Х.Болорчулуун, Ц.Даваасүрэн, Х.Нямбаатар болон Засгийн газрын төлөөллүүдтэй уулзалт хийлээ. 

Нэг ёсондоо УИХ-ын гишүүн С.Ганбаатарын өлсгөлөн үр дүнгээ өгчээ. Учир нь Оюутолгойн Хөрөнгө оруулалтын гэрээг өөрчлөх хэлэлцээрийн Ажлын хэсгийг дахин байгуулж УИХ-ын гишүүн С.Ганбаатар, Н.Алтанхуяг нарыг оруулахаар болсон байна. 

-ЗАСГИЙН ГАЗАР ОЛОН УЛСЫН ШҮҮХЭД НЭХЭМЖЛЭЛЭЭ ДАХИН ГАРГАХААР БОЛОВ-

Нөгөө талаар Монгол Улсын Засгийн газар Олон улсын шүүх рүү явуулсан нэхэмжлэхээ буцаан татсан гэх асуудал олны анхаарлын төвд байгаа. Тодруулбал,  Нью-Йорк, Лондонгийн шүүх дээр царцаагдсан хөрөнгүүдийг Монгол Улсад оруулж ирэх нэхэмжлэлийг манай улсын Засгийн газраас явуулсан ч нэгдүгээр сарын 19-нд Засгийн газрын хүсэлтээр буцаан татсан гэх мэдээлэл бий.  Уг шүүх хурал Нью-Йоркт энэ сарын 22-нд болох товтой байсан ч хугацаанаас нь өмнө манай Засгийн газрын хүсэлтээр хүчингүй болгосон гэсэн үг юм. 

Тиймээс УИХ-ын гишүүн С.Ганбаатар уг нэхэмжлэлийг нэгдүгээр сарын 31-ний дотор дахин явуулахыг Засгийн газраас шаардаж байсан. Тэгвэл өчигдөр орой хоёр талын Ажлын хэсэг тус нэхэмжлэлийг дахин үйлдэж Ерөнхий сайдаар хянуулаад Лондонгийн King&Spailding гэх хуулийн фирмд явуулахаар болсон байна.  

С.Ганбаатар гишүүний зүгээс тус нэхэмжлэлд тусгах саналаа өгсөн. Тухайлбал, Нью-Йорк болон Лондонгийншүүхэд царцаагдаад байгаа хөрөнгүүдийг нэхэмжлэх, өмнөх Засгийн газрын явуулсан нэхэмжлэлийг тэр хэвээр нь үргэлжлүүлж, цуцлагдсан шүүх хурлыг дахин яаралтай товлох, Оюутолгойн гэрээг байгуулахдаа Монголын талын сайд нарын авлига авсан гэдгийг тодруулах, Хөрөнгө оруулалтын гэрээг цуцлах зэрэг саналыг  тодорхойтусгахаар болсон юм. 

Энэ бүх асуудлын цаана “УИХ-ын гишүүн Сү.Батболдын бүлэглэл түүгээр дамжуулж Рио Тинто Монголыг удирдаж байна” гэх мэдээллийг нөлөө бүхий улстөрчид хийсээр байгаа. Олон Улсын шүүх дээр царцаагдсан гэх хөрөнгийн асуудал нь ч Сү.Батболдтой холбоотой. Тухайлбал, Монгол Улсын Төрийн тэргүүн Х.Баттулга чуулганы индэр дээрээс “Сү.Батболдын бүлэглэл төрийн эргэлт хийж байна” хэмээн мэдэгдсэн. УИХ-ын гишүүн С.Ганбаатар, МАХН-ын дарга, Монгол Улсын Ерөнхийлөгч асан Н.Энхбаяр нар “У.Хүрэлсүхийн Засгийн газар Оюутолгойн асуудлаар ажиллаж байсан ч  намын толгой дээр суусан мафийн бүлэглэлдээ базуулж, нэхэмжлэлээ буцаан татсан” гэх байр суурийг илэрхийлж байв. Харин УИХ-ын гишүүн Сү.Батболд “Монгол Улсын Засгийн газар намайг Нью-Йорк хотын шүүхэд өгсөн боловч улс төрийн шахалт дарамтын улмаас нэхэмжлэлээсээ татгалзсан, тэр байтугай Ерөнхий сайд У.Хүрэлсүх огцорсон мэтээр ор үндэсгүй гүтгэж байна” хэмээн хариу мэдэгдсэн билээ. 

-У.ХҮРЭЛСҮХ ҮҮ, Ч.ХҮРЭЛБААТАР УУ-

Тэгвэл У.Хүрэлсүхийн Засгийн газрыг төлөөлж Олон Улсын шүүхтэй харилцах эрх бүхий этгээд хэн байв гэх асуудал хөндөгдөж байна. Засгийн газрын хэрэг эрхлэх газраас уу, Сангийн сайд Ч.Хүрэлбаатар уу эсвэл Ерөнхий сайд асан У.Хүрэлсүх өөрөө байсан уу гэх асуудал таамаг хэвээр байгаа. 

Үнэхээр Сү.Батболдын бүлэглэлд “дарамтлуулаад” түүний эсрэг гаргасан нэхэмжлэлээ татаж авсан уу гэх асуулт үлдэж байна. УИХ-ын гишүүн Н.Алтанхуяг өчигдрийн чуулганы хуралдаан дээр “Нью-Йоркийн шүүх. хурал дээр процесс явж байхад нэхэмжлэлийг хэн татаж авсан юм бэ. Монгол Улсын нэхэмжилж байсан оффшорт маш их мөнгө байна, Монголын газрын баялгийг хулгайлж дээрэмдээд гадагшаа гаргачихсан байсныг Засгийн газраас  нэхэмжилж байсан. Энэ сарын 19-ний өдөр нэхэмжлэлийг хүлээж авсан. Нэгдүгээр сарын 20-ны өдөр У.Хүрэлсүх огцорсон. Юу болсон юм бэ. Сангийн сайд Ч.Хүрэлбаатар оффшороос нэг ч төгрөг орж ирээгүй гэж байна. Та нар зогсоож байгаа юм чинь яаж орж ирэх юм. Ч.Хүрэлбаатар аа, чи зогсоож байгаа. Ч.Хүрэлбаатар өөрөө энэ хэрэгтэй холбоотой” хэмээж байсан. 

Харин УИХ-ын дэд дарга Т.Аюурсайхан “Гадаадын шүүх дээр асуудлууд үүссэн. Мэдээллийн ил тод байдлын хооронд татварын суурийг багасгаж ашгийг шилжүүлэхийн эсрэг Олон Улсын хөтөлбөрт Монгол Улсыг нэгдээч гэдэг урилгад Монгол Улсын Засгийн газрыг төлөөлж Сангийн яамнаас боломжгүй гэдэг хариу өгсөн байсан. 

Үүний улмаас хар жагсаалтад орж мэдээлэл солилцох, оффшороос мөнгө татах боломжгүй болсон. Бид энэ хөтөлбөрт нэгдэх хүсэлтийг удаа дараа өгч байж, шаардсаны хүчинд оффшор дахь мөнгө ил болж, тодорхой хөрөнгүүд Хонгконг болон Лондонгийн шүүх дээр царцаагдаж байгаа гэдэг мэдээллийг авсан. У.Хүрэлсүхийн Засгийн газар энэ мөнгийг Монгол Улсад татах нэхэмжлэлийг гаргасан.

Үүний завсраар хэсэг бүлэг этгээд гар хөлөөрөө дамжуулж, Засгийн газрын нэрийг барьж энэ 

нэхэмжлэлийг  татсан эсэх асуудал байвал бид хуулийн хариуцлага тооцох ёстой” гэсэн байр суурийг илэрхийлсэн билээ. 

Мэдээж хамгийн эхний ажил нь Олон Улсад нэхэмжлэлээ явуулах. Дараагийн асуудал нь хариуцлага тооцох. ажил байгаа аж. Тиймээс УИХ-ын гишүүн С.Ганбаатар Олон Улсад явуулах Засгийн газрын нэхэмжлэлийг бэлэн болтол, цаашлаад явуулсан эсэхийг өөрийн нүдээр харж, баталгаажуулсаны дараа өлсгөлөнгөө зогсооно гэдгээ мэдэгдээд байна. 

 

 


Сангийн сайд Ч.Хүрэлбаатар Засгийн газрын нэрийг барьж Нью-Йоркийн шүүхээс нэхэмжлэл татсан уу
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3
  • Сэтгэгдэл үлдээсэн: 2021-01-30 16:00:18
    Irgen: Buzar vuildeltei svgnvvdiig deerees mongoliin obog deedes mini harj baigaa daa hezee negen tsagt viliin vree edelnee
  • Сэтгэгдэл үлдээсэн: 2021-01-30 04:55:30
    Иргэн: Шууд цааз асуух хэрэгтэй.
  • Сэтгэгдэл үлдээсэн: 2021-01-29 17:48:13
    zochin: Iim uildel hiisen uls torchidiin unen oilgohgui yum. Iim ajiliig hiilgej bdah, ger bul ni, ah duus ni, nutag oron ni tegeed zugeer ongorooh uu. Ur huuhedgui humuus uu, denduu munhag yum daa
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188