Өнгөрсөн аравдугаар сарын 31-ний өдөр Бээжин хотын Хайдянь дүүргийн цэцэрлэгт хүрээлэнд Бээжин хотын монголчууд 2026 оны наадмын нээлтээ хийлээ. Бээжин, Өвөр Монголын хамтын ажиллагааны 30 жилийн ойд зориулсан тус арга хэмжээг Өвөр Монголын Шилийнгол аймгийн Шулуун хөх хошууны захиргаанаас зохион байгуулав.

    Наадмын үеэр монгол үндэстний уламжлалт дуу бүжиг, морин хуур, уртын дуу, хөөмийн тоглолт болж, 64 бөх хүч чадал, уран мэхээ сорин барилдав. Мөн сур харваа зэрэг уламжлалт тоглоом, наадгай зохион байгуулж, нутаг нутгийн онцлог хоол, идээ ундаа, үндэсний хувцас, гар урлалын бүтээгдэхүүнийг танилцууллаа. Түүнчлэн монгол үндэстний биет бус соёлын өвийг харуулсан олон төрлийн үзүүлбэр, үзэсгэлэн нь хүрэлцэн ирсэн иргэд, жуулчдын сонирхлыг татсан байна.

    Энэхүү наадам нь монгол үндэстний өв соёл, зан заншлыг олон нийтэд сурталчлах, үндэстэн хоорондын соёлын солилцоог нэмэгдүүлэхийн зэрэгцээ Бээжин, Өвөр Монголын соёл, аялал жуулчлал, эдийн засгийн хамтын ажиллагааг өргөжүүлэх зорилготой юм. Наадмын үйл ажиллагаа арваннэгдүгээр сарын 1-ний өдөр өндөрлөв.

Эх сурвалж: "Анд" студи.