Засгийн газрын ээлжит хуралдаан өнөөдөр боллоо.

         Энэ үеэр Эрчим хүчний яамны Төрийн нарийн бичгийн дарга Н.Тавинбэх “Дулааны цахилгаан станц-3” дээр энэ оны зургадугаар сарын 2-нд системийн хэмжээнд нөлөөлөхүйц томоохон хэмжээний аваар осол гаргасан. Энэ ослын уршгийг арилгаж хэвийн хэмжээнд оруулах, сэргээн босголтын ажлын хүрээнд таван багц ажил хийж гүйцэтгэх учиртай. Өнөөдрийн байдлаар энэ ажлын гүйцэтгэл 90 орчим хувьтай байна. Энэ жил хийх ёстой гурван ажил бүрэн хийгдэж дуусах бол уг станц дулааны үйлдвэрлэлийг өнгөрсөн оны оргил ачааллын үед үйлдвэрлэж байсан хэмжээнд цахилгаан эрчим хүчний үйлдвэрлэлийг мөн өнгөрсөн оны мөн үед үйлдвэрлэж байсан түвшингээс 50 орчим хувьд нөлөөлөх хэмжээтэй үйлдвэрлэл явуулж, хэрэглэгчдэд нийлүүлэх техникийн боломжтой болно. Үлдсэн хоёр ажлыг ирэх оны өвлийн их ачааллаас өмнө дуусгахаар төлөвлөн ажиллаж байна. Энэ бол гарцаагүй шинэ тоног төхөөрөмж үйлдвэрлэх, тээвэрлэх, барилга угсралтын ажил хийх хугацааг үндэслэн гарцаагүй шалтгааны улмаас гарч ирж байгаа цаг хугацаа байна. Засгийн газраас шуурхай арга хэмжээ авч, сэргээн босголтын ажилд шаардлагатай санхүүжилтийн асуудлыг бүрэн шийдсэн. Сэргээн босголтын ажлыг шуурхай гүйцэтгэх эрх зүйн зохицуулалтын ажил хийж өгснийг онцлон хэлмээр байна. Энэ жилийн сэргээн босголтын ажил бүрэн дууссанаар Улаанбаатар хотод “Дулааны цахилгаан станц-3”-аас нийлүүлдэг байсан дулааны эрчим хүч хэвийн хэмжээнд нийлүүлэгдэнэ. Ямар нэгэн байдлаар “Дулааны цахилгаан станц-3”-аас хамаарсан дулааны эрчим хүчний хангамжтай холбоотой догол, эрсдэл байхгүй болсон” гэв.