Монгол Улсын Хууль зүй, дотоод хэргийн сайд Х.Нямбаатар “Asia Times” сайтад ярилцлага өгчээ. Нүүрсний хулгайн хэрэг, Монгол дахь авлига, ядуурлын талаар ярьсан ХЗДХ-ийн сайд Х.Нямбаатарын ярилцлагаас онцлох 10 эшлэлийг хүргэж байна.

НҮҮРСНИЙ ХЭРГИЙН ТУХАЙД

-Нүүрсний хулгай хэрэг 200 гаруй хүнийг хамарсан маш том хэрэг. Гэмт хэрэгтнүүдийн дунд УИХ-ын гишүүд, гааль, татварын албаны албан тушаалтнуудаас эхлээд уул уурхай, тээврийн компанийн удирдлагууд хүртэл багтаж байгаа.

-БНХАУ-ын Гадаад харилцааны яамны хэвлэлийн төлөөлөгч Мао Нин “Монголын Засгийн газар найрсаг хөршийн хувьд энэ хэргийг үнэн зөвөөр шалгаж шийдвэрлэнэ гэдэгт БНХАУ итгэж байна” гэж мэдэгдсэн. Хэрэв манай улсаас БНХАУ-ын холбогдох байгууллагуудад хүсэлт гаргавал хариу өгөх болно. Улмаар шаардлагатай тусламж үзүүлэх тухай холбогдох хууль, тогтоомжид заасан байгаа.

-Манай прокурорууд нүүрсний хэрэгт хамтран ажиллах хүсэлтэй байгаа БНХАУ-ын талынхантай холбоо барьсан. БНХАУ-ын тал хэргийн талаар тодорхой мэдээлэл өгч чадахаар байгаа ч одоог хүртэл өгөхгүй байгаа.

ЯДУУРАЛ, АВЛИГЫН ТАЛААР

-Монгол Улс 1990-ээд онд зах зээлийн эдийн засагт шилжих үед манай ДНБ гурван тэрбум орчим ам.доллар байсан одоо 12 гаруй тэрбум ам.долларт хүрч, 300 гаруй хувиар өссөн. Гэсэн ч боловсрол, эрүүл мэндийн салбар доройтож байхад ядуурлын түвшин төдийлөн сайжрахгүй.

-Монголын авлигын индекс сайжрахгүй байгаа учир нөхцөл байдлыг өөрчлөх зайлшгүй шаардлагатай байна.

-Зарим эрх мэдэлтэн төсвийн мөнгөөр хүүхдээ гадаадад ир, дээд сургуульд сургаж байгаад олон нийт бухимдаж байна. Мөн эрх мэдэлтнүүд ашигт малталын лицензийн дийлэнхийг авч, сайн байршилд их хэмжээний үл хөдлөх хөрөнгө барьж, мөнгө угааж байгаа.

-Сүүлийн 33 жилийн хугацаанд хувьсан өөрчлөгдсөн зүйлсэд олон нийт тийм ч таатай ханддаггүй.

-ТӨҮГ-т төрийн оролцоо их, хүчтэй байгаа цагт авлига, хээл хахууль байсаар байх болно. Үүнтэй холбоотойгоор бид ТӨҮГ дахь төрийн оролцоог хориглох, тухайн компанийг удирдах хүмүүсийг нээлттэй, ил тод болгох зорилгоор ТӨҮГ-ын тухай шинэ хууль санал болгоно.

-Сонгуулийн тухай хуулийн шинэчлэлээр улс төрийн намуудын санхүүгийн тогтолцоог сайжруулахыг хичээж байгаа.

-Монголын Засгийн газар компаниудын их хэмжээний ашиг олдог тогтолцоог тасалдуулахын тулд бизнесийн салбарынхны эсэргүүцэлтэй тулгарах болоод байна.