Японы шигшээгийн Южи Нишида волейболын дэлхийн аваргын тэмцээн бүрд өөрийгөө батлан харуулж байна. Ердөө 18 настайдаа эх орныхоо шигшээ болон Францын  мэргэжлийн багаас урилга хүлээн авсан манай үеийн баатруудын нэг “нисдэг” Нишидаг уншигч та бүхэнд танилцуулъя.

-ЮЖИ НИШИДА ГЭЖ ХЭН БЭ-

Южи Нишида бол Японы мэргэжлийн волейболын тоглогч. Өдгөө 22 настай тэрбээр 18 настайдаа Япон Улсын Үндэсний шигшээ багт уригдаж, “JTEKT Stings” мэргэжлийн багт тоглож байю.

                 Үндэсний шигшээ багт элсээд анхны тоглолтоосоо л гарааны зургаан тоглогчид багтсан нь түүнийг дасгалжуулагчид хэрхэн үнэлж буйг нь харуулах аж.

 Южи жигүүрийн довтлогчийн байрлалд тоглодог түүний өндөр 186 см боловч бөмбөг цохих өндөр нь 347.5 см хүрч, 335 см өндөрт хаалт хийж чаддагаараа бусад багийн дасгалжуулагчдын анхаарлын төвд оржээ.

2018 оны ДАШТ-нд шигшээ багийнхаа гарааны тоглогчоор тоглохдоо өөрийн авьяас, потенциалыг харуулж чадсан ч багийн амжилт нь тийм ч сайн байсангүй. Харин 2019 оны Азийн аварга шалгаруулах тэмцээнд амжилттай оролцож, хүрэл медаль авсных нь дараа нэр хүнд нь дахин сэргэсэн билээ. Тухайн тэмцээний үеэр нэг тоглолтод 30 оноо авсан хамгийн залуу тоглогчоор тэр түүхэнд нэрээ үлдээжээ. Тэрбээр нэгэн ярилцлагадаа “Анх эгчийгээ гудамжинд волейбол тоглож байхыг хараад энэ спортыг сонирхох болсон” хэмээн ярьсан байдаг. Тэр цагаас хойш Южи Нишида волейболын спортоор хичээллэж, жигүүрийн болон холбогчийн байрлалд тоглон өөрийгөө хөгжүүлж байв. Ахлах сургуулиудын аварга шалгаруулах тэмцээнд оролцсоных нь дараа түүнийг “19-өөс доош насныхны ДАШТ”-ий багаас дуудаж, тус тэмцээнд 19-өөс доош насны Японы шигшээ баг алтан медаль авснаар Нишидагийн карьер өөрөөр эргэв.

Ахлах сургуулиа төгссөний дараа волейболын спортыг чухалчлан авдаг их, дээд сургуульд элсэх хүсэлтэй байсан түүнд мэргэжлийн багийн урилга иржээ. 2019 оны ДАШТ-нд өөрийн байрлалдаа шилдэг тоглогчийн шагнал хүртэж, олон судлаачийн үзэж буйгаар “Дэлхийн волейболын спортын түүхэнд үлдэх шилдэг тоглогчдын нэг”-ээр цоллуулаад буй. Эгчийнхээ сонирхлыг даган энэ спортыг сонирхсон түүний хүндэлж, биширдэг хүн бол Японы волейболын мэргэжлийн тамирчин Юки Ишикава.

Өдгөө хүндэлж, биширдэг тоглогчтойгоо нэгэн багт улсынхаа нэрийг дэлхий дахинд гаргаж яваа тэрбээр манай үеийнхний баатруудын нэг яах аргагүй мөн билээ.