Япон Улсын Ерөнхий сайд агсан Шинзо Абэг өнөөдөр Ёкохама өртөөнд болсон арга хэмжээнд үг хэлж байх үеэр 40 орчим насны эрэгтэй хүзүү, цээжин тус газар нь буудсан. Шинзо Абэг ойролцоох Нара хотын эмнэлэгт хүргэж, цус сэлбэж байсан ч, шархаа даалгүй амьсгал хураажээ. Зүүн Ази даяар үймээн, гашуудал үүсгээд байгаа Шинзо Абэг буудан хөнөөсөн Тэцүяа Ямагами гэж хэн болох талаар мэдээллийг хүргэе.

-ТЭЦҮЯА ЯМАГАМИ ЯПОНЫ ТЭНГИСИЙН ЦЭРЭГ БАЙЖЭЭ-

Ерөнхий сайд агсан Шинзо Абэг буудуулсны дараа хамгаалалтын албаныхан гэмт этгээдийг газар дээр барьсан. Тухайн үедээ хууль хүчний байгууллагаас гэмт этгээдийн хувийг мэдээллийг задлахгүй барьж байсан ч, нөхцөл байдал хурцдахтай зэрэгцэн хэрэгтнийг олон нийтэд зарласан юм.

Шинзо Абэг 42 настай эрэгтэй Тэцүяа Ямагами гэгч бууджээ. Тэцүяа Ямагами нь Шинзо Абэгийн очсон Ёкохама өртөөний ойролцоох Нара хотын оршин суугч бөгөөд хэргийг гар хийцийн гар буугаар үйлдсэнийг урьдчилсан байдлаар тогтоосон байна. Одоогоор гэмт хэрэгтнийг Нара болон Шики хотын цагдаагийн газраас шалгаж байгаа юм.

Хэрэг гарах үед Тэцүяа Ямагами Шинзо Абэгийн ард 10 орчим метрийн зайтай зогсож байжээ. Тэгээд нэг секундийн дотор хоёр удаа буудаж, Шинзо Абэгийн хүзүү, цээжин тус газрын оносон аж.

Эх сурвалжийн мэдээллээр Тэцүяа Ямагами өмнө нь Японы тэнгисийн цэргийн алба хаагч байсан гэнэ. Тийм учир хэргийг үйлдсэн гар хийцийн бууг Тэцүяа Ямагамиг өөрөө хийсэн гэж үзэж байгаа юм. Харин хэрэгтэн баривчлагдсаныхаа дараа “Уур хүрч байсан болохоор Абэг алах гэж онилж буудсан” гэжээ.