Зургаан долоо хоног үргэлжилсэн дуулиант шүүх хурал Лхагва гарагт өндөрлөж, Холливүүдийн хосын маргааныг шийдвэрлэсэн билээ. Долоон хүний бүрэлдэхүүнтэй АНУ-ын шүүгчдийн баг Эмбер Херд, Жонни Депп нар харилцан бие биеийнхээ нэр хүндэд халдсаныг тогтоож, хоёулангийнх нь хохирлыг барагдуулах шийдвэр гаргасан. Гэхдээ нэхэмжилсэн мөнгөний хэмжээ эрс ялгаатай байсан бөгөөд Амбер Херд нөхөртөө $10.35 саяыг, Депп хуучин эхнэртээ $2 саяыг төлөхөөр болсон юм. Тиймээс шүүхийн маргаанд Депп ялсан гэж үзэхэд болохоор байлаа. Өчигдөр NBC сувгийн “Today” шоунд оролцсон Эмбер Хердын өмгөөлөгч Элаин Бредхофт үйлчлүүлэгч нь нэхэмжилсэн мөнгийг төлөх санхүүгийн “ямар ч боломжгүй” болохыг мэдэгджээ. Тэрбээр жүжигчин бүсгүй шүүхийн шийдвэрийг давж заалдах төлөвлөгөөтэй байгааг бас хэлсэн байна.

Мөн Амбер Хердийн Жонни Деппэд 10 сая ам.доллар төлөхөд тусална гэх 1 сая ам.долларын хандив цуглуулах "GoFundMe" хуудсыг устгажээ. Энэ долоо хоногт 36 настай Херд болон 58 настай Депп нарын холбогдох шүүх хурал дууссаны дараа тус хуудас үүссэн байсан гэж "TMZ" өнгөрсөн Бямба гаригт мэдээлэв. TMZ-гийн хуваалцсан зургуудаас үзэхэд "GoFundMe" хуудас нь Хердийн хуулийн багтай холбоотой бөгөөд Херд тус санд шууд хандах боломжтой гэж мэдэгджээ.

"Амбер Хердийн шударга ёс" нэртэй хандивын арга хэмжээний хүрээнд "GoFundMe" нь "Шүүх хурал ичгүүртэй байсан. Би Амберт итгэж, олон нийтийн сүлжээ хүчирхийлэгчийг хамгаалсан гэж бодож байна. Шүүхийн шийдвэр нь Амберийн мөнгөнөөс давсан. Жонни гэмт хэргээс мултарч чадсан нь үнэхээр харамсалтай байна. Энэ шийдвэр хүчирхийллийг улам бүр нэмэгдүүлнэ. Тиймээс та түүнд туслаач"гэсэн тайлбартай хандив цуглуулж байжээ. 

TMZ-гийн хэвлэлийн төлөөлөгч их хэмжээний мөнгө босгохоос өмнө "GoFundMe" хуудсыг татан буулгасан байна. Херд болон түүний хуулийн багийн аль нь ч хандив цуглуулах ажил зохион байгуулаагүй гэж тус компани нэмж мэдэгджээ.