Францын дипломат корпусыг эмхлэн байгуулж ирсэн зарчмыг уг үндсээр нь өөрчлөхийн тулд эрх баригчдын хийхээр төлөвлөж байгаа бүтэц, зохион байгуулалтын шинэчлэлийг эсэргүүцсэн дипломатчид энэ ажил хаялтад нэгдсэн талаар ТАСС уламжилсан байна. Францын дипломатчдыг нэгтгэдэг 7 үйлдвэрчний эвлэл энэ ажил хаялтад оролцож байгаа аж.

Ерөнхийлөгч Эммануэль Макроны хэрэгжүүлж байгаа өөрчлөлтөөр, хоёр зууны түүхтэй Францын мэргэжлийн дипломатчдын корпус татан буугдаж, тэднээс 800 орчмыг нь “төрийн өндөр тушаалтнуудын” гэх нийтлэг бүтэц рүү нэгтгэн, тэндээс нь хилийн чанад дахь гол чухал ажил, албан тушаалд томилдог болох юм байна.

Энэ нь одооноос, өндөр тушаалын дипломат томилгоонуудад ажил албан тушаалын шат дарааллын дагуу өгсөж туршлагажсан мэргэжлийн дипломатчид дангаараа бус, төрийн удирдлагын өөр чиг үүрэг бүхий түшмэд бас очих боломжтой болж байгаа гэсэн үг юм. “Энэ өөрчлөлт мэргэжлээрээ өсөн дэвших боломжийг хааж, бидний ажлын утга зорилго болон эрх баригчидтай харилцах харилцааг алдагдуулж байна” гэж дипломатчдын үйлдвэрчний эвлэлүүд үзэж байна.

ЭХ СУРВАЛЖ:REUTERS