Анх Херд өөрийгөө “гэр бүлийн хүчирхийллийн хохирогч болсон олны танил хүмүүсийн төлөөлөл” гэж хэвлэлд бичсэний дараа 58 настай Депп нэр хүндэд нь халдсан гэж үзээд 50 сая доллар салсан эхнэрээсээ нэхэмжилж байсан юм. Гэвч холливүүдийн хосын зургаан долоо хоног орчим хугацаанд үргэлжилсэн шүүх хурал өчигдөр өндөрлөж, жүжигчин Жонни Депп ялалт байгуулжээ.

АНУ-ын Виржиниа мужийн шүүхээс гаргасан шийдвэрийн дагуу Эмбер Херд 15 сая долларыг Деппийн нэр хүндэд учруулсан хохирол болгон барагдуулахаар болсон байна.

Түүнчлэн Эмбер Хердын гаргасан зарим нэхэмжлэлийг шүүх бас хүлээн зөвшөөрч, Жонни Депп түүнд хоёр сая доллар төлүүлэхээр болжээ. Депп, Херд нар 2011 онд “The Rum Diary” киноны зураг авалтын үеэр танилцаж, 2015 оны хоёрдугаар сард гэрлэж байсан юм. Гэвч хоёр жилийн дараа буюу 2017 онд салжээ. 2018 онд Херд “The Washington Post” сонинд нийтлүүлсэн өгүүлэлдээ гэр бүлийн хүчирхийллийн талаар хөндсөн байдаг бөгөөд Жонни Деппийн нэрийг шууд дурдаагүй ч хэний тухай бичсэн нь тодорхой байсан аж. Шүүх хурлын үеэр Депп, Херд нарын ээдрээтэй амьдралын түүхийг харуулсан олон баримт ил гарч олон нийтэд хүржээ. Гитарын домогт Жефф Бектэй хамт Их Британид аялан тоглолт хийж буй Депп шүүхийн эцсийн шатны хуралд оролцоогүй. Энэ хооронд Херд хар даашинз өмсөн, шүүх хуралдаанд орж ирсэн ба санаа нь зовсон байдалтай харагдаж байсан аж.

ЭХ СУРВАЛЖ:REUTERS