1431 оны энэ өдөр Зуун жилийн дайн : Францын Руэн хотод 19 настай Жанна д’Аркийг галд шатаажээ.

Түүхэнд энэ өдөр Францын үндэсний баатар, Зуун жилийн дайны үеийн цэргийн удирдагчдын нэг болох Жанна д’Аркийг англичууд Хар домын шидтэн, тэрс үзэлтэй (шашны хуулийг зөрчсөн)  хэмээн түүдэг гал дээр шатаасан байна. Гэвч хожим нь хүмүүс түүний нэр алдрыг нь сэргээн католик сүмийн хананд гэгээнтнүүдийн нэгэн адил дүрийг нь мөнхөлсөн. Жанна 1412 онд зүүн Францын хил дээр орших Домреми хэмээх жижиг тосгонд төржээ. Тэр үед Францын титмийн асуудлаар францчууд болон англичуудын хооронд удаан хугацааны маргаан өрнөж байв. 1337 оноос хойш үргэлжилсэн энэ дайн одоо зуун жилийн дайн гэж нэрлэгддэг. Францын армид ирээд тэрээр 1430 онд Орлеаны бүслэлтийг эвдсэн довтолгоог амжилттай удирдан эх орондоо ялалт авчирсан. Бараг 600 жилийн турш түүний эр зориг зохиолч, зураач, хөгжмийн зохиолчдод олон баатарлаг бүтээл туурвих урам зоригийг төрүүлсэн. Одоо ч Жанна д’ Арк нь католик шашны хамгийн алдартай гэгээнтнүүдийн нэг хэвээр байна.

 1498 оны энэ өдөр Кристофер Колумб  хөлөг онгоцтойгоо Америк руу гурав дахь удаагаа аялахаар мордов.

Түүхэнд энэ өдөр Колумб Испанийн титмийн нэрийн өмнөөс Ази руу баруун зүгийн замыг хайж олох шинэ оролдлогоор замд гарчээ .Тэрээр Антилийн арлууд, Венесуэл, Төв Америк зэрэг Шинэ ертөнцөд дөрвөн удаа аялсан юм. Түүний нээлтүүд болон экспедицүүд нь Европын улс орнуудыг эрэл хайгуул хийж, Америк тивд Европын колониудыг шууд байгуулж орчин үеийн барууны ертөнцийг бүрдүүлэхэд хүргэсэн.

1539 оны энэ өдөр Испаний судлаач Фернандо де Сохогийн 10 хөлөг, 700 хүнтэй экспедиц Флорида мужид газарджээ.

Түүхэнд энэ өдөр  Флорида мужийг байлдан дагуулах Испаний хааны зарлигаар Фернандо де Сохогийн 10 хөлөг, 700 хүний ​​бүрэлдэхүүнтэй экспедиц Флоридагийн эрэгт газарджээ. Тэр үед тэрээр Испаний байлдан дагуулагчдаас хамгийн баян, амжилттайн байв. Панам болон Баруун Энэтхэгт худалдаачин, Перуг эзлэн авах үед Франциско Писаррогийн хоёр дахь командлагч байв. Түүний байлдан дагуулалт, эрдэнэс хайхаар Америкийн зүүн өмнөд нутгаар хийсэн аялал гурван жил үргэлжилжээ.

1883 оны энэ өдөр Бруклиний гүүр нээгдэв.

Түүхэнд энэ өдөр  АНУ-ын Ерөнхийлөгч Честер , Нью-Йорк мужийн амбан захирагч Гровер Кливленд (өөрөө ирээдүйн ерөнхийлөгч) нар Нью-Йорк хотод анх удаа Нью-Йорк, Бруклин хотыг холбосон Зүүн голыг гатлах Бруклиний гүүрийг албан ёсоор нээжээ. Энэ гүүр нь Нью-Йоркт өрнөж буй телевизийн шоу нэвтрүүлэг, кинонуудын зураг авалтад ихэвчлэн гардаг бөгөөд Америкийн архитектурын гайхамшгийн нэг юм.Гэвч нээлт хийсэн өдөр нь  Бруклиний гүүр нурах гэж байна гэсэн цуурхлаас үүдэн 12 хүн амиа алджээ.