Насанд хүрээгүй болон зүрх, судасны өвчтэй, хэт аймхай хүн уншихгүй байхыг анхааруулж байна.

1988 оны арваннэгдүгээр сарын 25-нд Токиогийн ахлах сургуулийн III ангийн сурагч Жунко Фурутаг ангийнх нь дөрвөн хүү хулгайлсан юм. Хэрэгтнүүд 17 настай Жунко Фурутаг 44 хоногийн турш тасралтгүй тамлан зовоож, яргалсны улмаас амиа алдсан хэрэг уг хэрэг нийгмийг цочроож, уншиж, мэдсэн хүний сэтгэл сэрдхийлгэм аймшигт гэмт хэрэг.

           Хэрэгтнүүд цагдаагийн байгууллагаас эрэн сурвалжлахаас урьтаж, Жунко Фурута охиныг дарамталж, хүчээр гэр рүү нь яриулж, “Гэрээсээ зугтаасан учир хайгаад хэрэггүй” гэж хэлүүлсэн байдаг. 50 гаруй хоног сураггүй байсан нь 17 настай охин нь амиа алдсан тухай мэдээг сонсож, сэжигтнүүдийн байцаалтдаа ярьсан мэдүүлгийг уншсан хохирогчийн ээж цус харваж, сэтгэцийн эмгэгтэй болсон юм. Харин хэрэгтнүүдийг нас биед хүрээгүй гэх шалтгаанаар тэнсэн харгалзах ялаар шийтгэж, 1988 онд болсон дэлхийн цочроосон хэргийг хийсэн этгээдүүд өнөөг хүртэл амьд байдаг аж.

Уншигч танд Жунко Фурута охины амийг хөнөөсөн хэргээр тэнсэн харгалзах ял сонссон дөрвөн хэрэгтний байцаалтын мэдүүлэгт үндэслэн гаргасан талийгаачийн амь тэмцсэн 44 хоногийн аймшигт түүхийг хөрвүүлэн хүргэж байна.

ЖУНКО ФУРУТА ХОРИГДСОН ЭХНИЙ ӨДӨР:

           Токиогийн ахлах сургуулийн III ангийн сурагч 17 настай Жунко Фурутаг хичээлээ тараад гэр рүүгээ харьж байх замд нь ангийнх нь дөрвөн хүү хулгайлжээ. Тэд Жунко Фурутаг нэгнийхээ эцэг, эхийн эзэмшлийн байшинд хорьж, охиныг дарамталж, хүчээр гэр рүү нь яриулан “Гэрээ зугтаасан учир хайгаад хэрэггүй” гэж хэлүүлжээ. Охин нь “Хайгаад хэрэггүй” гэхийг сонссон Жунко Фурутагийн эцэг, эх охин нь сураггүй байсан 50 гаруй хоногийн турш цагдаагийн байгууллагад мэдэгдээгүй юм.

           “Жунко Фурутагийн хэрэг” гэгдэх хэргийг голлон үйлдсэн дөрвөн хүүгээс гадна өнөөг хүртэл нэр нь гараагүй 100 гаруй хүн охиныг хүчирхийлсэн гэдэг аман мэдээлэл бий. Охиныг хорьж, хүчирхийлэхээсээ гадна хоол, хүнс өгдөггүй байсан бөгөөд оронд нь жоом идүүлж, шээсээ уулгадаг байсан аж. Цагдаагийн байгууллагаас хэргийг илрүүлсний дараа цогцсыг задлан шинжлэхэд охины биеийг тамхины цогоор түлж, үтрээ рүү нь гаднын биет чихсэн байсан нь батлагдсан юм.

ЖУНКО ФУРУТА ХОРИГДСОНООС ХОЙШ 11 ДЭХ ӨДӨР:

           1988 оны арванхоёрдугаар сарын 1. Талийгаачийг нүүрэн тус газраас нь цементэн шаланд савж, дээр нь дэвсэлж, гарнаас нь хүлж, таазнаас дүүжилжээ. Зөвхөн ингээд ч зогсохгүй хэрэгтнүүд Жунко Фурутаг таазнаас өлгөснийхөө дараа шуудайгаар ороож, гаднаас нь хурц иртэй металлаар хатгаж, дүрж байсан аж. Хоригдсоноос хойш 11 дэх өдрөө охины хамар нь чихэгдсэнээс үүдэн амьсгал нь давчдаж, шулуун гэдэс рүү нь архины шил чихсэний улмаас их хэмжээгээр цус алджээ.

ЖУНКО ФУРУТА ХОРИГДСОНООС ХОЙШ 20 ДАХЬ ӨДӨР:

           Жунко Фурута алхах, босох тэнхэлгүй болсон ч, хэрэгтнүүд “Босож, явж чадах л ёстой” гээд хөлийг нь шатааж, хулсан модоор нүүр нүдгүй зодов. Үүгээр ч зогсохгүй хэрэгтнүүд талийгаачийн шулуун гэдэс рүү салют чихэж, буудуулсан аж. Үтрээ, шулуун гэдэс рүү нь тамхины үнс, цог, төмөр турба, шарсан тамхиа чихсэнээс охины эмзэг эрхтэн шархалж, их хэмжээгээр цус алдсан байна

ЖУНКО ФУРУТА ХОРИГДСОНООС ХОЙШ 30 ДАХЬ ӨДӨР:

           Охины нүүдэн дээр халуун лаа асгаж, тамхины цогоор зовхийг нь түлж, цээжин хэсгийг нь сэрүүн, ухаантай байхад ярж, баруун хөхнийх нь товчыг бахиар тасалж, дараа нь оёжээ. Эмзэг эрхтэн нь шархалж, их хэмжээгээр цус алдсаны улмаас талийгаач бие засаж чадахаа больсон байсан аж.

 ЖУНКО ФУРУТА ХОРИГДСОНООС ХОЙШ 40 ДЭХ ӨДӨР:

           40 өдрийн турш тасралтгүй яргалуулж, эрэмдэглүүлсэн Жунко Фурута хөдөлж ч чадахаа больж, зовлонгоос нь салгаж, амийг нь хурдан бүрэлгэхийг гуйж байжээ.

           Харин хэрэгтнүүд талийгаачийн сүүлийн хүслийг үл сонсож, төмөр туухайгаар зодсон байна. Талийгаач хөдөлж чадахаа больсон учир хариу үйлдэл үзүүлж, аврал эрээгүйд гэмт хэрэгтнүүдийг уурлаж, лаа асаан охины нүд, ам руу чихжээ. Лаа урссаар Жунко Фурутагийн гар, хөлийг дамжин талийгаачийн хэвлий хэсгээс эхлэн бие нь бүхэлдээ шатаж эхэлсэн аж.

1989 оны нэгдүгээр сарын 4-нд Жунко Фурута хоёр цагийн турш шатаж, амьсгал хураасан юм...