Казахстан Улсын Дотоод хэргийн яам, Аюулгүй байдлын хамтын ажиллагааны гэрээт орнуудын аюулгүйн хүчнийхэн ажиллагаа явуулж, эсэргүүцлийн жагсаал, үймээн намжаад байгаа. Үүнтэй холбоотойгоор “BBC” агентлагаас Казахстаны Алматы хотын эсэргүүцлийн жагсаалд оролцож, аюулгүйн хүчнийхэнд буудуулж, баривчлагдсан нэг иргэнээс ярилцлага авчээ. Ярилцагчийнхаа аюулгүй байдлыг хангах үүднээс жинхэнэ нэрийг нь нууцалж, Асел гэх нэрээр ярилцлагыг нь гаргасан байна.

Асел “Аюулгүйн хүчнийхэн Алматы хотын гудамж, талбайгаар нэгжлэг хийж, “Шархадсан хүн байна уу” гэж хашхирч, хайж байлаа. Зарим жагсагч ч гэсэн гар буу, хутгаар зэвсэглэсэн байсан. Аюулгүйн хүчнийхэн жагсагчдын үймээнийг намжаахаар гал нээж, намайг оносон. Тэгээд нэг дүрэмт хувцастай эр надад хандаж, “Хэрэв дахин эсэргүүцлийн жагсаал хийвэл жинхнээсээ ална шүү” гэсэн” хэмээн ярьжээ.

Одоо Аселийн биеийн байдал муу байгаа бөгөөд Алматы хотын эмнэлэгт хэвтэн эмчлүүлж байгаа юм.

          Олон улсын улстөр шинжээчид “ЗХУ-ын тусгаар тогтносон 30 жилд хамгийн их цус урссан жагсаал боллоо” гэж онцолж байна. Нэгдүгээр сарын 4-нөөс эхэлж, Казахстаны гурван том өрнөсөн эсэргүүцлийн жагсаал даамжирч, үймээн, дээрэм, тонуул болж хувирсан байна.

          Казахстан Улсын эрх баригчдын мэдээлснээр эсэргүүцлийн жагсаал, үймээнтэй холбоотойгоор 225 амиа алдаж, 10 мянга орчим хүнийг баривчлаад байгаа юм.