БНХАУ-ын Шилийн гол аймагт (Эрээн хот) өнгөрсөн 24 цагт Ковид-19 халдварын хоёр тохиолдол нэмэгджээ. Ингэснээр нийт халдварын тохиолдлын тоо 12 болсон байна.

 

Мөн Алшаа аймгийн Эзнээ хошуунд таван тохиолдол нэмэгдсэнээр нийт тоо нь 25 болсон байна. Хөх хотод мөн халдварын хоёр тохиолдол шинээр бүртгэгджээ.

 

Эрээн нь БНХАУ болон Монгол Улс хоорондын хилийн гол боомт билээ. Эрээн хотод хөл хорионы дэглэм үйлчилж, албан байгууллага, сургууль, цэцэрлэгийн үйл ажиллагааг зогсоосон, хүнсний дэлгүүрүүдийг хааж, зөвхөн дуудлагаар хүнсний зүйлийг гэрт хүргэж, хотын оршин суугчдыг гэрээсээ гарахгүй байхыг анхааруулж хөл хорионы дэглэмийг чангатгасан гэдгийг эх сурвалжууд мэдээлж буй.