УДЭТ-ын жүжигчин С.Болд-Эрдэнэ Монгол Улсын гавьяат жүжигчин цол тэмдгээр энгэрээ мялаалаа.

Тэрбээр “Төрд хөдөлмөрөө үнэлүүлж, гавьяат жүжигчин цол тэмдэг хүртсэндээ баяртай байна. Би УДЭТ-т 20 гаруй жил ажилласан. Намайг төрүүлж, өсгөсөн ээж, аавдаа баярлалаа. Мөн хамт олондоо, үзэгч түмэндээ баярлалаа. Шагнал гардаж авах нь хүнд маш их урам өгдөг юм байна. Хөдөө орон нутагт явж байгаад төрийн дээд одон медалиар шагнуулсан мэдээг сонслоо. Олон хүн баярын мэндчилгээ илгээжээ” хэмээлээ.