Хэн ч мэдэх, хэзээ ч мартагдахгүй дүрийн эзэн байна гэдэг жүжигчин хүн бүрд олдох тавилан биш. Тэр дундаа залуу багадаа бүтээсэн дүр нь хүний сэтгэлд мөнх амьдарна гэдэг ондоогийн ондоо, дандаа урам зоригийг мэдрэх хувь заяа байх.

       Түүнийг Нямдаваагийн Бадрал гэдэг ч энд туулсан амьдралынхаа 20 наснаас хойших хугацаанд тэр гарцаагүй Баяраа гэж дуудуулсан байх. Таарсан, таньсан хүн бүхэн л 1985 оны наймдугаар сард үзэгчдийн хүртээл болсон “Би чамд хайртай” кинонд бүтээсэн дүрийнх нь нэрээр дуудсан байх. Өнөөдөр ч ялгаагүй Баяраагаар л дурсаж байна. Баяраа сэхүүн, сэвэлзүүр салхи шиг тогтворгүй, амьдралыг таниагүй, танхи дураараа. Баяраа хөөрүү, тоглоом наргианч, алсын бодолгүй. Үүнийг бүгд л мэднэ. Гэхдээ хүний залуу нас, тэр дундаа 20 нас бол боддог, хянадаг, ухаардаг, уужирдаг үе биш. Асан дүрэлзэж, алдаж онож, мөрөөдөн дуулж, хайрлан дурладаг л нас. Ингээд бодохоор Баярааг буруутгах аргагүй.

     Баяраа бидний дунд үй түмээрээ л бий. Гэлээ ч Баяраа он цаг өнгөрөхөд ухаардаг. Энэ л хүний амьдралын жам ёс биш гэж үү. Ихэнх хүн залуу гэнэн томоогүй яваад л бүгдийг ойлгодог шүү дээ. Баяраа бол байх л хүн, сайхан ч дүр.

      Түүнчлэн “Домог жаргасан цаг" киноны Ламуу,  "Нүглийн золиос"-ын Батбаяр,  "Дээд хэмжээ"-гийн цагдаа,  "Жас өдөр"-ийн Энхээ,  "Би чамд хайртай-2" киноны Баяраа,  "Бодлын хулгайч"-ын багш зэрэг кинонд ч гол болон туслах дүр бүтээжээ. Харин найруулсан бүтээлээс нь дурдвал, “Өдрийн оддын зүгт" тэргүүтэй бүтээл бий. 

 Би хоёрдугаар ангид өмнөхөөсөө илүү тоглохыг зорьсон. Анх нэгдүгээр анги дээр Балжинням найруулагчид зодуулж байсан, цохиулж байсан. Олон юм бий л дээ. Өнөөдөр “Hеrо”-гийн Баатар гэж найруулагч хийж байна. Миний хувьд бол өмнөхөөсөө илүү гарах ёстой. Тэгж байж Баяраагаа би авч үлдэнэ. Надад муу тоглох эрх байхгүй. Тэгэхээр “Би чамд хайртай”-гийн Баяраа нэгдүгээр ангид ямар байлаа. Харин 25 жилийн дараа хэрхэн яаж өөрчлөгдсөнийг хүмүүс одоо үзэх байлгүй дээ” гэсэн байдаг. Харин аав, ээж хоёрынхоо тухай “Би аавынхаа “Тунгалаг тамир”-ын Хонгор, “Өндөр ээж”-ийн жолоочийн гээд л сайхан бүтээлүүдээр нь. Ээжийнхээ “Тэмцэл” киноны Балбар вангийн бага хатан, “Гарын таван хуруу”-гийн Шагдарт хаягддаг эхнэрийн дүрийг хайрладаг. Хүмүүс болохоор “Ховор хүмүүс”-ийн “Цагаан халаадаа өмсөөрэй” гэдэг тэр дүрийг нь их сайн Тогтоочихсон байдаг юм билээ. Дүү маань гурван настайдаа “Дэгдээхэй нас” кинонд тоглож байсан. Харин 1, 2-р ангид билүү дээ “Гарын таван хуруу”-д тоглосон” гэсэн байна.