Хайрлаж байгаа дүр эсгээд угтаа өөрөөсөө холдуулах бүх аргыг хэрэглэгч түүнийг дүрийг инээж байгаад л хүний сэтгэл, сэтгэцээр нь гарамгай тоглохыг нь харж байлаа. Сайхан оройг бэлэглэж, тэмдэглэлт өдөр болгоно. Сайн нөхөр болж ч жүжиглэнэ.  Энэ бол “Ээж ээ надтай гэрлээч” киноны сэтгэл зүйч залуу. Анхны хайр, дурлалынхаа төлөө халамжтай, ухаалаг эхнэр, элэг бүтэн гэр бүл, үнэ цэнтэй бүхнээ золиосолж, эхнэрээ өөрийг нь хуурч, аргаа барсандаа холдож байгаа гэмгүй нөхрийн дүрийг тэр гарамгай бүтээдэг.

     Жүжигчин Б.Анхбаярын бүтээсэн энэ дүр үзэгчдийг ч эзэгнэж, тэдний ч сэтгэл зүйд нөлөөлж чадсан. Хүн хүссэндээ хүрэхийн тулд юу ч хийж чадах, бүр гэмгүй нэгнээ гэмтэн, эрүүл хүнийг өвчтэй ч болгож чадах харгис нэгэн гэдгийн тод төлөөлөл бол түүний энэ дүр. 

     Шунахай, ашигч, дээрэнгүй нэгний дүр. Бүгдийг мөнгөөр, өөрт ашигтайгаар хуйвалдан шийдвэрлэж, эцэстээ хүмүүсийг муудалцуулж, бүр нэгнээ буудахад хүргэгч даргын дүр. Түүний дүрүүдэд л байх өнцөг. Ямар нэгэн зүйл сэдэж, хэрэгжүүлэхээрээ л түүний бүтээсэн дүрүүд бишдэж, үзэгчдийн анхаарлыг татдаг. Ийм л нэгэн дүрийн гол тоглогч, дүр авсан л бол түүнийгээ бүрэн эзэгнэж, амьдруулж, үзэгчдэд дотор хоногшуулж чаддаг чадварлаг уран бүтээлч тэр билээ. Хүний хууран мэхэлж, аргандаа оруулах аргыг хүн сэдэж, төлөвлөж болох ч сэтгэл зүйд нь халдаж, тоглоно гэдэг дэндүү харгис. Энэ гарцаагүй чадвар, авьяасынх биз ээ.