Хамтдаа нэг кинонд дүр бүтээснээр танилцаж  дотноссоноор үерхсэн жүжигчид цөөнгүй байдаг. Тэгвэл нэг кинонд хамтран дүр бүтээж гэрлэсэн  хосуудыг  танилцуулж байна.

И Сан Ву, Ким Сү Ён

Тэд "Happy Home" кинонд хамтран ажилласныхаа дараа хайр сэтгэлийн харилцаатай болсон гэдэг. Үүнээс жил гаруй хугацааны дараа буюу 2017 оны зургадугаар сард хосууд хуримаа хийж, шүтэн бишрэгчдээ баярлуулсан билээ. Тэд завгүй цагийн хуваариасаа болж өглөө бүр долоон цагт болздог байжээ.

Eugene, Ки Тэ Ён

"You Can't Run From Fate"-д хосын дүр бүтээсэн Eugene, Ки Тэ Ён нар бие биедээ сэтгэлтэй болж гэрлэсэн байна. Жүжигчдийн гэр бүл өдгөө хоёр охинтой юм.

Хан Га Ын, Юн Жон Хүн

Тэд 2003 онд "The Yellow Handkerchief" кинонд  хамтран ажиллахдаа дотносож үерхэж эхэлжээ. Хосууд 2005 онд гэрлэж, өнөөг хүртэл хамтдаа аз жаргалтай амьдарч байгаа юм. Анхны хүүхдээ 2016 онд өлгийдөн авсан юм.

И Бу Ён, Жи Сун

Хосууд 2004 онд нээлтээ хийсэн "Save the Last Dance for Me" киноны үеэр учирчээ. Хосууд өөрсдийн харилцаагаа 2007 онд олон нийтэд зарласан бөгөөд түүнээс таван жилийн дараа хуримаа хийсэн байна.

Гу Сү Ён, Жан Дон Ган

Тэд 2010 онд хуримаа хийж байжээ. Хосууд "Love Wind Love Song" киноны зураг авалтын үеэр дотносож.  Удаан хугацааны туршид нэг нэгнээ мэддэг байсан тэдний нөхөрлөл эцэстээ хайр сэтгэл болж хувирсан түүхтэй.

Хён Бин, Сон Е Жин

Алдарт хосууд энэ оны гуравдугаар сарын 31-нд хуримын ёслолоо гэр бүл дотно найзуудын хүрээнд хийсэн юм. Анх 2018 онд "Хэлэлцээр" кинонд хамтран тоглохдоо танилцсан бөгөөд болзож байсан гэсэн цуу яриа хэд хэдэн удаа гарч байсан ч тэд хоёулаа цуу яриаг үгүйсгэж байжээ. Дараа нь "Crash Landing on You" олон ангит киногоор эргэн нийлж, тэр хоёр кино дууссаны дараа буюу 2021 онд харилцаагаа албан ёсоор хүлээн зөвшөөрсөн юм.

О.Эрдэнэтунгалаг