Ардын язгуур урлагийн Хөсөгтөн хамтлаг Европын орнуудад “Жангар” цомгийнхоо аялан тоглолтыг эхлүүлээд байна. Франц Улсын Сенон хотоос аялан тоглолтоо эхлүүлсэн “Хөсөгтөн” хамтлаг Парис хотноо Азийн урлагийн Гимей музейд 2022 оны 3 дугаар сарын 26-ны өдөр тоглолтоо хийв. “Жангар” цомгийг “Нүүдэлчин зам” холбоо продюсерлэж, Буда мюзик /Buda Musique/ лэйбэлийг нь хийж гаргасан бөгөөд саяхан Монгол Улсад зохион байгуулсан соёл урлагийн “Мөнгөн мод” наадмаас оны шилдэг уран бүтээлийн шагнал хүртсэн юм.