Эргэлт.мн мэдээллийн сайтын “Мөнгөн мод-2021” наадмын шилдэг жүжигчний шагнал хүртсэн Фантастик продакшны жүжигчин, Соёлын тэргүүний ажилтан Б.Барслхагвын тоглосон уран бүтээлээс дараах таван дүрийг онцлон хүргэж байна.

“БУРУУ ӨРӨГ” КИНОНЫ ОЛДОХ

   “Буруу өрөг” киноны Олдохын дүр бол Б.Барслхагва гэж жүжигчнийг өөрөөр харуулсан өсгөсөн дүр. Түүнд авьяас, өөр олон сонин содон дүрийн нөөц бий. Гэхдээ тэр төдийлөн тэсэрч, өөрийгөө гаргахгүй байсан. Харин “Буруу өрөг” киноны Олдохын дүрээртэр үзэгчдэд жинхэнэ тэсрэлтийг харуулж чадсан.

“ЗҮРХНИЙ ХИЛЭН” КИНОНЫ МАНЖ АМБАН

   Б.Барслхагвын дараагийн сонирхолтой дүрийн нэг бол “Зүрхний хилэн” киноны Манжын дүр. Харь хүний дотоод сэтгэл, сэтгэлгээг тэр гайхам харуулсан. Үнэхээр Манж гэхээр цэвдэг хүйтэн, харь хөндий байдаг болов уу гэсэн бодлыг тэр төрүүлж чадсан. Барсааг бас эсрэгээр, өөрөөр илэрхийлсэн.

“ТОЛБО” КИНОНЫ ААВ

   Аавын дүр маш олон. Гэхдээ Б.Барслхагва жүжигчний гаргасан аавын дүр их өвөрмөц байсан. Үргэлж эсрэг талын, зэвүүн гэмээр дүрийг гаргаж гэж оролддрг Барсаа бол “Толбо” киноны аавын дүрээр хамгийн их зөөлөрч, амьдрал дээрх Б.Барслхагваг илүү харуулсан, ойртуулсн дүр байсан. Үр хүүхдийнхээ төлөө бүхнээ зориулахад бэлэн байдаг хүмүүс бол мэдээж аав, ээж.

-МИНИЙ АХ АТАМАН” КИНОНЫ ЦЭГЦ

  Түүний бүтээсэн зэвүүн буюу өнөөгийн нийгэмд түгээмэл байх дүрийн нэг бол “Миний ах атаман” киноны дүр. Нэгнийгээ муу зүйл рүү шөвөгдөж, хөөргөх, сайхан сэтгэл, сул талыг нь ашиглах байдал бол өнөө цагт их болсон. Ийм хүмүүсийн төлөөлөл дүр бол Цэгцийн дүр. Хамгийн сайн найз нь гэсэн нэрийн дор найзынхаа аавын компанид шунаж, түүнийг эцэст нь аавыгаа хөнөөхөд хүргэдэг. Энэ дүрийг тэр мөн сайн гаргасан.

-“БАЙТАГ БОГД” КИНОНЫ ДАВААДОРЖ

   Дээрх дөрвөн дүрийг харахаар тэр өөр, өөр төрөл жанрын дүрүүдийг бүтээж чаджээ. Харин уншигч та түүний тугаа бариад эх орныхоо эцсээ хүртэл тулалдаа үхдэг “Байтаг богд” киноны дүрийг санаж байгаа болов уу. Чин халуун сэтгэл, эх орноо гэсэн хатуу зоригт баатар цэргийн дүрийг тэр мөн ихэд чадварлаг, үнэнхүү үнэн гаргаж байсан.