Дэлхийн өөрчлөлтөд хувь нэмрээ оруулсан нөлөө бүхий хүчирхэг эмэгтэйчүүд. Тэд  өөрийн өөрийн салбарт гайхамшигттай олон амжилт, шинэ түүхийг бүтээлцсэн юм.

Oprah Winfrey-Опра Винфри

Ток шоуны хөтлөгч, бизнесмен эмэгтэй Опра Винфри 1954 оны нэгдүгээр сарын 29-нд АНУ-ын Миссиссиппи муж улсын Козиаскод төржээ. Тэрбээр АНУ-ын түүхэн дэх  хамгийн анхны африк гаралтай Америк тэрбумтан эмэгтэй юм.  Винфри нь түүний болон өөр бусад амжилттай байгаа америкийн TV-Formate - ын бүтээгдэхүүнийг үйлдвэрлэдэг HARPO Productions компанийн эзэн юм.  Түүний одоогийн хөрөнгийн хэмжээ 3.5 тэрбум ам доллар юм.

"Хувийн шинж чанараа зорилгодоо нийцүүлэн тохируул, тэгвэл хэн ч танд хүрч чадахгүй"

Anne Frank-Аннэ Франк

Алдарт  Анне Франкийн өдрийн тэмдэглэлийн зохиолч охин 1929 оны зургаадугаар сарын 12-нд Германы Майны Франкфурт  хотод  төржээ. Тэрээр 15 насандаа нацист Германы хорих лагерьд нас барсан еврей охин юм. Түүний бичиж үлдээсэн өдрийн тэмдэглэл нь фашизмын гамшиг, дэлхийн II дайны үеэр еврейчүүдийн туулсан зовлон, амьдрах хүсэл тэмүүллийн гайхамшигт гэрч болон үлдсэн билээ. Тэрээр 1942 оны 6 сарын 12-ноос 1944 оны 8 сарын 1 хүртэл нуугдаж байсан үеийнхээ турш өдрийн тэмдэглэлээ хөтөлж, өөрийн амьдралаа бичин үлдээжээ. 1947 онд эцэг Отто Франк нь "Аннэгийн өдрийн тэмдэглэл" нэртэйгээр хэвлэсэн байна.

“Хорвоо ертөнцийг сайжруулахын тулд хэнд ч ганц хором хүлээх шаардлагагүй гэдэг хэчнээн гайхамшигтай вэ”

Indira Gandhi- Индира Ганди

Индира Ганди 1917 оны арван нэгдүгээр сарын 19-нд Аллахабад хотод алдартай өмгөөлөгч Жавахарлал Неру,  эх Энэтхэгийн эрх чөлөөний төлөө тэмцэгч Камала Неру гийн охин болж мэндэлжээ. Энэтхэгийн түүхэнд Ерөнхий сайдаар сонгогдсон цорын ганц эмэгтэй юм. Тэрээр Энэтхэгийн  хөрш Пакистантай 1971 онд хийсэн дайнд чухал үүрэг гүйцэтгэсэн. Энэ дайны үр дүнд Бангладеш улс болж тусгаар тогтносон юм.

"Өнөөдөр бидний үйл ажиллагаа маргаашийг бий болгодог"

Joanne Rowling- Жоанна Роулинг

Алдарт Харри Поттерийн зохиолч Жоанна Роулинг  1965 оны долоодугаар сарын  31-нд Англи улсад төржээ. Тэрбээр хүүхэд байхдаа уран зөгнөлт зохиол бичиж дүү Дайаннадаа уншиж өгөх дуртай нэгэн байжээ.Тэрбээр өөрийн амьдралаас зүйлийг санаа аван Харри Поттерийн  номдоо бичжээ. Мөн 2000 онд Воланд хүмүүнлэг, тусламжийн байгууллагыг үүсгэсэн. Энэ байгууллагын жилийн төсөв нь 5.1 сая доллар бөгөөд ядуурлыг бууруулах, нийгмийн тэгш бус байдлыг арилгахыг зорьдог. Мөн хүүхдүүдэд болон өрх толгойлсон эцэг эхчүүдэд тусалдаг ажээ. Түний хөрөнгө нэг тэрбум ам доллар бөгөөд түүнийг ном зохиож тэрбумтан болсон анхны хүн, дэлхийн хоёр дахь баян эмэгтэй гэж тодорхойлжээ.

"Чи өөрийнхөө амьдралыг өөрөө удирддаг чиний хүсэл маш хүчтэй"

Coco Chanel-Коко Шанель

Францын нэрт дизайнер “Chanel” брэндийг үндэслэгч Коко Шанель 1883 оны 8-р сарын 19-ны өдөр мэндэлжээ. Түүний жинхэнэ нэрийг Габриэль Шанел гэдэг бөгөөд аав нь түүнийг Коко хэмээн өхөөрдөн дууддаг байсан тул хожим энэхүү нэрээрээ дэлхийд танигдсан юм.  Ядуухан айлын охин болж төрсөн тэрээр өөрийн хичээл зүтгэлээр одоогийн дэлхийн хамгийн алдартай  брэндийн үүсгэн байгуулагч болоход хүргэжээ.

“Хорвоо ертөнцөд дахин давтагдашгүй байхын тулд бусдаас үргэлж илүү бай, үргэлж ӨӨР бай”

Emma Watson- Эмма Уотсон

Харри Поттер киногоор бидэнд танигдсан алдарт жүжигчин Эмма Уотсон  нь 1990 оны  дөрөвдүгээр сарын 15-нд Парис хотноо мэндэлжээ. Жүжигчин загвар өмсөгчөөс гадна хүний эрхийн төлөө тэмцэгч юм. Эмма Уотсон НҮБ-ын сайн санааны элчин сайд юм. Тэрбээр  олон буяны ажилд идэвхтэй оролцдог бөгөөд  гуравдагч  улс орнуудад эмэгтэйчүүдийн боловсролыг сурталчлах, байгаль орчныг хамгаалах үйл ажиллагаанд оролцож байжээ.

"Охидоо ухаалаг байхаас хэзээ ч бүү ай"

О.Эрдэнэтунгалаг