Нийтийн дуучин СТА Э.Чулуунчимэг Алтангадас одонгоор энгэрээ мялаажээ. Тэрбээр өнөөдөр Өвөрхангай аймгийн Арвайхээр хотод шагналаа гардаж авсан байна.

          Э.Чулуунчимэг үзэгч олондоо баярын сэтгэгдлээ хуваалцлаа. Тэрбээр “Өөрийн төрсөн нутаг Өвөрхангай аймагтаа ирж, төрийн дээд Алтангадас одонгоор энгэрээ мялаасандаа маш их баяртай байна. Түмэн олныхоо хайр хүндэтгэлийн буянаар өнөөдөр энэ шагналыг хүртлээ. Үргэлж дэмжиж, хайрлаж байдаг дуунд дуртай, хайртай монголчууддаа чин сэтгэлээсээ баярлаж явдаг шүү” гэв.