Эрүүл мэндийн яамнаас коронавирусийн нөхцөл байдлын талаарх мэдээллээ өглөө. Энэ үеэр ГХЯ-ны Консулын газрын захирал Л.Мөнхтүшиг “Энэ сарын 25-нд Сөүл-Улаанбаатар чиглэлд тусгай үүргийн нислэг үйлдэгдэх байсныг зайлшгүй цуцлах шаардлага гарсан. Энэ нь тусгаарлах байрны хүрэлцээнээс хамааралтай. Тиймээс энэ чиглэлд зорчих тизээ баталгаажуулаад байсан дараагийн нислэгийн хуваарийг тодорхой зарлана. Дэлхий дахинд халдварын тархалт буурахгүй байна. Манай иргэд олноор оршин суудаг Сөүл, Австралийн Сидней хотод сүүлийн 14 хоногт халдвар илрээгүй байтал өнөөдөр дахин илэрлээ.  Мөн БНХАУ-ын Өвөрмонголд шинэ голомт илэрсэнтэй холбоотой ачаа тээвэр удаашраад байсан. Монгол Улсаас БНХАУ-д суугаа Элчин сайд Т.Бадрал Эрээн хотод томилолтоор ажиллаж байна. Бид 50 жолоочийг хоёр талдаа тээвэр хийхээр тохирсон. Одоо 18 жолооч ачаа тээвэр эрхэлж байсан бол нэмж 32 жолоочийг өчигдөр нэвтрүүлсэн. Тэднийг тусгаарлаад дараа нь өдөрт 50 жолооч ачаа тээвэр эрхлэх боломжтой болно” гэв.