Монголын зарим хэвлэлд Зам, тээврийн хөгжлийн яамны Төмөр зам, далайн тээврийн бодлогын хэрэгжилтийг зохицуулах газрын дарга Б.Артур,  Үндэсний тээврийн корпорацийн ТУЗ-ын гишүүн И.Шатархүү, Монголын авто тээвэрчдийн нэгдсэн холбооны удирдах зөвлөлийн дарга Д.Наранпүрэв нарыг чингэлэг тээврийн авлигын хэрэгт холбогдсон байж болзошгүй гэх мэдээлэл цацагдаад байгаа. Тодруулбал, Өвөрмонголын төмөр замын тээврийн асуудал эрхэлсэн дэд захирал Ван Бин нарын 10  гаруй хүнийг саатуулж, чингэлэг тээврийн хэргээр шалгаж байгаа гэх. Уг хэрэгт дээрх гурван хүн оролцсон байж болзошгүй гэсэн юм.

       Бид уг мэдээлэлтэй холбоотойгоор Зам, тээврийн хөгжлийн яамны Төмөр зам, далайн тээврийн бодлогын хэрэгжилтийг зохицуулах газрын дарга Б.Артуртай холбогдож,тодрууллаа. Тэрбээр “Би төмөр замын тээвэр хариуцдаг хүн. Гэтэл автотээврийн чингэлэг тээврийн асуудлыг надтай холбоод байгааг ер ойлгохгүй байна. Энэ бол ташаа, гүтгэлгийн чанартай мэдээлэл байна. Надад тийм хууль бус, авлигын чанартай холбогдсон хэрэг байхгүй” гэв.