Нийслэлийн Соёл, урлагийн газрын дарга Ц.Нацагдолгорыг үүрэгт ажлаас нь чөлөөлж, дуучин СТА О.Анхбаярыг түүний оронд томилсон билээ. Тодруулбал, дарга асан Ц.Нацагдолгорыг ажилдаа хариуцлагагүй хандсан гэх үндэслэлээр ажлаас нь чөлөөлсөн гэх.

Тэгвэл түүний оронд томилогдож, Нийслэлийн Соёл, урлагийн газрын даргын албыг хашиж буй дуучин О.Анхбаяртай холбогдож, цаашид хэрхэн ажиллахаар төлөвлөж байгаа талаар тодрууллаа.

Тэрбээр “Бид одоогийн байдлаар төлөвлөлтийн ажлаа төлөвлөөд явж байна. Би нэг сарын өмнө уг ажилд томилогдсон. Нийслэлийн Соёл, урлагийн газар нь уламжлалт ажлуудаа хийгээд явна. Тус газар нь Нийслэлийн Засаг даргын чиг үүргийн дагуу ажилладаг байгууллага. Соёлын яамны бодлоготой уялдуулж, шинээр ганц, хоёр ажил хийхээр санаачилж, төлөвлөөд байгаа” гэлээ.