Тавантолгой-Зүүнбаян чиглэлийн төмөр замд осол гарч, хоёр вагон унасан тухай мэдээлэл цацагдаад байгаа билээ. Тодруулбал, өнөөдөр буюу гуравдугаар сарын 28-ны 09:00 цагийн үед тус чиглэлийн төмөр замын Цэций өртөөний ойролцоо УБТЗ-ын эзэмшлийн хоёр вагон өртөөний бүсэд тээвэрлэлт хийхдээ унасан гэсэн юм.

Бид энэ талаар Зам тээвэр хөгжлийн сайд Л.Халтартай холбогдож, тодрууллаа. Тэрбээр “Тавантолгой-Зүүнбаян” чиглэлийн гал тэрэг осолд ороогүй. Харин Улаанбаатар төмөр замынхан Цогтцэций өртөөнд депо руу ордог зам барьж байгаа. Энэ үед нэг вагоны хоёр дугуй замаас гарсан байна лээ. Өөрөөр хэлбэл, УБТЗ-ынхны тэргэнцэр буюу дугуй замаас гарсан гэсэн үг” гэлээ.