E-Mongolia” пэйж хуудасны нэр солигдож, NFT World Inc болсон тухай мэдээлэл цахим орчинд тархаад байгаа. Ингэснээр пэйж хуудасны чатаар хувийн мэдээллээ явуулж, үйлчилгээ авч байсан иргэдийн мэдээлэл алдагдах нь гэх хардлага төрөөд байгаа юм.

       Бид энэ талаар “E-Mongolia” академийн Олон нийттэй харилцах мэргэжилтэн Э.Уранцэцэгээс тодруулахад “E-mongolia” facebook хуудсанд жилдээ 100-150, “E-mongolia” системд 500-600 удаагийн халдлагын тохиолдол бүртгэгддэг. Бид мэдээллийн аюулгүй байдлын шинжилгээ байнга хийж ажилладаг. Энэ удаад зөвхөн facebook албан ёсны хуудас руу 2022 оны гуравдугаар сарын 27-ны 17:16 цагт гаднын этгээдүүд халдсан бөгөөд бид META компанитай хамтран шуурхай ажилласны үр дүнд нэг цагийн дотор пэйж хуудсаа эргүүлэн авсан. Өчигдөр 19:00 цагаас фэйсбүүк хуудас хэвийн ажиллаж эхэлсэн.

          Энэ хугацаанд тухайн этгээд нь нэр, лого, нүүр зургийг солихоос гадна хоёр пост оруулснаас өөр үйлдэл хийгээгүй байсан. Мөн иргэдтэй харилцдаг чат хэсэгт ямар нэгэн халдлага гараагүй байсан. Өөрөөр хэлбэл, бид чат хэсгийг мэдээллийг алдаагүй бөгөөд иргэдийн мэдээллийг чат хэсэгт хадгалдаггүй болно. Бид одоогоор пэйж хуудасныхаа нэрийг өөрчлөхөөр ажиллаж байгаа бөгөөд тун удахгүй хэвийн байдалд шилжих болно. Манайх 4-5 админтай. Тухайн этгээд нь чухам яаж нэвтэрч, админ эрхийг авсныг бид тогтоолгохоор ажиллаж байна" гэв.