Орхон аймгийн Баян-Өндөр сумын Хүрэнбулаг багийн 16 дугаар байрны таван давхрын цонхоор хүн унах гэж байна гэсэн дуудлага өчигдөр Онцгой байдлын албанд иржээ. Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчид 2.5 км зам туулан гурван минутын дараа очжээ. Алба хаагчдыг очиход тус аймгийн харьяат 42 настай, О нь цонхоор үсрэх гэж байжээ. Аврагчид аврах олс ашиглан тус эмэгтэй эсэн мэнд буулгаж, цагдаагийн газрын мөрдөгчид хүлээлгэн өгсөн байна.