Тавантолгой, Гашуунсухайт чиглэлийн 240 км төмөр замын ажил 86.6 хувьтай явагдаж байгаа бөгөөд эхний 208 километрийн газар шорооны ажил бүрэн дууссан талаар Шадар сайдын ажлын алба мэдээллээ.

Мөн ус зайлуулах хоолойн ажил 98, мал амьтны гарц 97, дэд бүтцийн буюу гол замын үе 46 хувьтай явагдаж байгаа бөгөөд 106 км төмөр замыг угсраад байгаа аж. Төмөр зам баригдсанаар жилдээ 30 сая тонн чулуун нүүрс экспортолж, улсын төсөвт жилд 20-28 сая ам.долларын татвар төлөхөөс гадна 25 жилийн хугацаанд нэг тэрбум ам.долларыг Засгийн газарт төвлөрүүлнэ гэж тооцоолжээ.