Эрүүл мэндийн яамнаас коронавирусийн тархалтын талаарх ээлжит мэдээлэл хийлээ. Энэ үеэр Эрүүл мэндийн яамны хэлтсийн дарга Г.Болдмаа коронавирусийн эсрэг вакцины талаар мэдээлэл өглөө. Тэрбээр “Өнгөрсөн 24 цагийн хугацаанд 40 дархлаажуулалтын цэгт 74 багийн 561 эмч, ажилтан 13381 хүнд халдварын эсрэг вакцин хийлээ. Нийслэлийн хэмжээнд 126449 хүнд вакцин хийсэн. Харин өнөөдөр 41 цэгт 95 багаар 671 ажилтан 19793 хүнийг дархлаажуулах төлөвлөгөөтэй байна. Бид дэлхийн эрүүл мэндийн байгууллагын зөвлөмжийн дагуу вакцины хэмжээнд тохируулах иргэдийг хамруулж байна. Тухайлбал, архаг хууч өвчтэй, Хөгжлийн бэрхшээлтэй, ахмад настан, үйл ажиллагаа тасалдаж үл болох аж ахуйн нэгж байгууллагын ажилчид, нийгмийн тусламж үйлчилгээ нэн шаардлагатай иргэд, Оюутан залуус, бусад зорилтод бүлгийн иргэд хамрагдах. Тэднээс эмч, эмнэлгийн ажилчдын 96 хувийг вакцинжуулсан” гэлээ.