Эрүүл мэндийн яамнаас коронавирусийн тархалтын талаар ээлжит мэдээлэл хийлээ. Энэ үеэр ХӨСҮТ-ийн дэд захирал Э.Тэмүүлэн “Өнгөрсөн 24 цагийн байдлаар 21585 хүнээс коронавирусийн шинжилгээ авахад 80 хүнээс халдвар илэрлээ. Тэдний 77 нь ойрын хүнээс халдвар авсан. Халдвартай иргэний ойрын хүмүүсээс гурван удаа шинжилгээ авдаг. 65 хүнд эхний шинжилгээгээр халдвар илэрсэн. Харин 12 хүнээс хоёр дахь шинжилгээгээр халдвар илэрсэн. Одоогоор гурван хүний халдварын голомтыг тодорхойлохоор ажиллаж байна. Халдварын голомтыг тодорхойлохоор ажиллаж байгаа гурван хүн Баянзүрх дүүргийн 14 дүгээр хороо, Сонгинохайрхан 26 дугаар хороо, Хан-Уул дүүргийн 2 дугаар хороонд оршин суудаг аж.