Энэ жилийн томуугийн дэгдэлт хожуу эхэлсэн. Өнгөрсөн оны мөн үетэй харьцуулахад амбулаторийн үзлэг 3.9 хувиар бага байна гэх мэдээллийн мэргэжлийн байгууллагууд өгч байгаа юм.

 Томуугийн өвчлөлийн нөхцөл байдлын талаар Эрүүл мэндийн яамнаас мэдээлэл өглөө. Энэ үеэр ХӨСҮТ-ийн захирлын үүргийг хавсран гүйцэтгэгч Ж.Байгалмаа “Томуу, томуу төст өвчин идэвхжилийн буюу шар хэмжээнд байна. Монгол Улсад томуугийн идэвхжил аравдугаар сарын эхэн үеэс эхэлсэн. Өнөөдрийн байдлаар амбулаториор үйлчлүүлж буй иргэдийн 5.6 хувь нь томуу, томуу төст өвчтэй байна. Мөн эмнэлэгт хэвтэн эмчлүүлж буй 8000 гаруй иргэний 22 хувь амьсгалын замын цочмог хүнд шалтгаантай.  Булган, Дархан-Уул, Сүхбаатар, Хэнтий аймагт томуугийн улбар шар түвшин байна. Түүнчлэн ковидын вирус эргэлтэд байгаа” гэлээ.