Англи хэлээр бусдад санаагаа ойлгуулахад 1000 үг мэддэг байхад хангалттай бол илүү гүнзгий ярилцаж сурахад 10 мянган үг мэдэх шаардлагатай гэдэг. Харин англи хэлийг бүрэн ойлгож, мэдэрч, суралцахад уран зохиолын ном унших нь хамгийн сайн арга юм.

                       Англи хэл дээрх уран зохиолын ном уншиж, хэлний чадвараа сайжруулахын тулд хамгийн энгийн хэлбэрээр бичигдсэн хувилбар буюу анхан шатнаас эхлэх нь тохиромжтой. Хэлээ сайжруулахаар анхлан суралцаж байгаа уншигчдадаа англи хэлний анхан шатны мэдлэгээр уншихад тохиромжтой 10 уран зохиолын номыг танилцуулж байна.

 “Three Men in a Boat” by JEROME K. JEROME

Гурван жентельмэн нохойтойгоо Темза мөрнөөр хийсэн хөгжилтэй аяллын тухай ном юм. Англи хэл дээр уншихад тун энгийн, ойлгомжтой. Цэвэр англи хошигнолыг ойлгож эхлэхээс гадна нэг л мэдэхэд сүүлийн хуудсанд хүрэхээр хөгжилтэй ном шүү.

PDF

 “The Stories of Ray Bradburry”

Зохиолч Рэй Брэдбери бол богино хугацаанд хэрхэн их зүйл өгүүлэхийг маш сайн мэддэг богино өгүүллэгийн мастер. Таныг цайгаа ууж амжаагүй байхад л бүх түүх өрнөөд дуусна. Нэг өгүүллэг нь л гэхэд хүний амьдралын хичээл болж чадахуйц ухаарууштай зохиол бичдэг нэгэн.

PDF

 “The Jungle Book” by RUDYARD KIPLING

Ширэнгэнд амьдардаг Маугли хүүгийн тухай сонсоогүй юм биш биз. Багадаа уншиж, сонсож өссөн түүхээ дахин англи хэл дээр уншиж, хэлний мэдлэгээ илүү сайжруулах боломжтой боллоо.

PDF

 “Best Short Stories” by O. HENRY

Хенригийн богино өгүүллэгүүд англи хэлийг сурах хамгийн сайн хичээл болдог. Эдгээр өгүүллэгээс өөдрөг үзэл, хүнд бэрхийг ялах итгэл, ухаарал сургамж авч болно.

PDF

 “Theatre” by SOMERSET MAUGHAM

Тун ухаалаг хийгээд богино энэ романд өөрийн хүүтэйгээ нас чацуу найз залуутай театрын алдартай жүжигчин хатагтайн тухай өгүүлдэг. Үг хэллэг нь тун энгийн, үйл явдал, дүрүүд нь сонирхолтой тул нэг уншиж эхэлбэл дуусгахаас өөр аргагүй ном.

PDF

“Hitchhiker’s Guide to the Galaxy” by DOUGLAS ADAMS

Хөгжилтэй дүрүүд болон маш олон хошигнол, адал явдалтай, уншихад тун зугаатай ном доо.

PDF

 “The Picture of Dorian Gray” by OSCAR WILDE

“Дориан Грейн хөрөг” аймшигтай боловч сургамжтай түүх. Ойлгомжтой, энгийн үг хэллэг ашигласан зохиол тул та заавал хэлний мэргэжилтнээс тусламж хүсэх хэрэгцээ гарахгүй.

PDF

 “Cat’s Cradle” by KURT VONNEGUT

Жижиг бүлгүүдээс бүрдсэн уг номыг уншихад хялбар. Сургамжтай, амьдралд ойр бичигдсэн түүх юм.

PDF

 “For Whom the Bell Tolls” by ERNEST HEMINGWAY

Иргэний дайнаас зугтаж Испанид ирсэн америк хүний түүхийг өгүүлэх гайхалтай бүтээл. Хемингуэй нь нүсэр, урт өгүүлбэрүүдээр бичихээсээ зайлс хийж бүтээсэн зохиол тул англи хэлний эхлэн суралцагчдад уншихад тохиромжтой.

PDF

 “The Hound of the Baskervilles” by ARTHUR CONAN DOYLE

Бидний мэдэх Шерлок Холмсын түүх . Гэхдээ алдарт мөрдөгч Шерлок Холмсын түүх эх хэл дээрээ хэрхэн бичигдсэнийг унших бүр илүү сонирхолтой.

PDF