-“ТӨГС” ЭМЭГТЭЙЧҮҮДИЙН ИХ СУРГУУЛЬ-

Дэлхийн хамгийн чадварлаг асрагчдыг бэлтгэдэг сургууль бол Норландын их сургууль. Норландын их сургуулийн жилийн төлбөр нь 250 мянган ам.доллар буюу монгол мөнгөөр 780 сая төгрөгтэй тэнцэх орлого олдог бөгөөд Харвардын их сургуулиас ч өндөр төлбөртэй Норландын их сургууль дэлхийн хамгийн шилдэг гэсэн асрагчдын бэлтгэн гаргадаг аж.

                  Норландын эмэгтэйчүүдийн их сургууль 100 жилийн түүхтэй. Түүхэн хугацаандаа Норландын их сургууль хааны гэр бүлд үйлчилдэг хамгийн шилдгүүдийг бэлтгэж байжээ. Харин өдгөө тус коллежийг төгссөн чадварлаг үйлчлэгчтэй гэрээ хийж, ажиллуулахыг хүсвэл жилд дор хаяж 70 сая ам.доллар төлөх шаардлагатай болсон гэнэ.

Төгсөх оюутнууддаа 100 хувь ажлын байртай гэж ажилладаг Норландын их сургуульд дэлхийн өнцөг булан бүрээс ирж сурагсдын тоо ихэссэнтэй холбоотойгоор олон улсад сургуулиудаа нээхээр төлөвлөж байгаа юм байна. Зөвхөн үйлчлэгч ч биш ТӨГС ЭМЭГТЭЙ болохыг хүссэн бүсгүйчүүд ч очиж суралцдаг гэнэ.

-СУРАЛЦАХ ҮЕ ШАТ-

Норландын их сургуулийн захирал нэгэн удаа “Манайд сургуульд сурснаар төрөл бүрийн авьяас, чадварыг 100 хувь эзэмших болно” гэж хэлж байжээ. Ингэхдээ сургуулийнхаа оюутнуудыг “Яг л Мэрри Попинс шиг” гэж зүйрлэж байсан аж.

                  Норландын их сургуульд элсэгчдийн олонх хувь нь 15-16 настнууд. Тус сургуулийн оюутнууд таван жилийн хугацаанд сурахдаа тогооч, зураач, бие хамгаалах урлаг, усанд сэлэлт, сэтгэл судлал, эм зүйн чадварыг эзэмшиж, дор хаяж гаднын таван хэлээр чөлөөтэй ярьж сурах шаардлагатай.

Оюутнууд бор сийрсэн малгай, хүрэн хослол, гоёмсог чимэглэл бүхий цагаан өнгийн бээлийгээр хосолдог. Сургууль, дотуур байрнаас нь тавих шаардлага цэргийнхтэй их төстэй бөгөөд хувцсаа үргэлж цэвэр байлгаж, бээлийгээ хиртүүлэхгүйн тулд өдөрт гурван удаа солих шаардлагатай аж.

1892 онд Эмилий Вардын байгуулсан уг сургуулийн анхны төгсөгч ердөө 10 байсан гэдэг. Харин өдгөө дэлхий дахинаа гайхагдаж байна.

Т.ТӨГСЦОЛМОН