ОНЦЛОХ ҮЙЛ ЯВДАЛ

1386 он

1386 оны тавдугаар сарын 9-ний энэ өдөр Португали, Англи хоёр Виндзорын гэрээ хэмээн түүхэнд үлдсэн эвслийн гэрээ байгуулжээ. Виндзорын гэрээ нь дэлхийн хамгийн эртний дипломат гэрээ бөгөөд өнөөг хүртэл хүчинтэй байдгаараа онцлог юм. Анх Виндзорын гэрээг байгуулахад Английн хатан хаан II Ричард, Португалийн хаан I Жон нар Канадын Виндзор хотод уулзаж байв.

1945 он

1945 оны тавдугаар сарын 9-ний энэ өдөр ЗХУ ялалтаа тунхаглаж байв. Москвагийн цагаар 1945 оны тавдугаар сарын 8-9-нд шилжих шөнө Германы төлөөлөгчид бууж өгөх тухай баримт бичигт гарын үсэг зурснаар ЗХУ ялалтаа тунхагласан юм. Тухайн үед ЗХУ-ын дэргэдэх 15 БНУ-д ялалтын баяр хийж байжээ.

1960 он

1960 оны тавдугаар сарын 9-ний энэ өдөр АНУ жирэмслэхээс хамгаалах эмийг хууль ёсны болгосон дэлхийн анхны орон болж байв. АНУ-ын тухайн үеийн Хүнс, эмийн захиргаанаас Иллинойс мужийн Чикаго хотод төвтэй “G.D. Searle” компанийн үйлдвэрлэсэн анхны төрөлтөөс хамгаалах Enovid-10 эмд хууль ёсны зөвшөөрөл олгосон байна.

2018 он

2018 оны тавдугаар сарын 9-ний энэ өдөр Малайзын “Барисан Национал” эвслийн 61 жилийн засаглал дуусгавар болж байв. Тодруулбал, тухайн жилд болсон парламентын сонгуульд 92 настай Махатхир бин Мохамад, Пакатан Харапан тэргүүтэй сөрөг хүчний эвсэл Ерөнхий сайд Нажиб Разакийг ялсан юм.

ОНЦЛОХ ХҮН

Ховард Картер

1874 оны тавдугаар сарын 9-ний энэ өдөр дэлхийн түүхэнд үлдэх нээлт хийсэн Британийн нэрт археологич, судлаач Ховард Картер Английн Кенсингтон хотод зураач Жон Картер, Марта Жойс нарын 11 дэх хүүхэд буюу хамгийн отгон нь болон мэндэлжээ. Түүнийг бага ахуй насанд нь аав Жон Картер нь урлагийн тухай мэдлэг олгож, уран бүтээлч болгохоор зорьж байсан ч, Ховард Картер өсөж, том болмогцоо өөрийн сонирхлоо дагаж, археологийн судалгаанд явж эхэлжээ. Ховард Картер амьд ахуйдаа Фараон Тутанхамоны бунхныг нээж, дэлхийн археологийн түүхэнд өөрийн “мөр”-өө үлдээсэн археологич болсон юм.