Тиранозаврын  яс 31.8  сая ам.долларын үнэ хүрэв 
Одоогоос 67 сая жилийн тэртээ амьдарч байсан тиранозаврын араг ясыг “Christine's” –ийн дуудлага худалдаагаар 31.8 сая ам.доллароор зарсан байна. Стэн нэрт энэхүү тиранозаврын ясыг 6-8 сая ам.доллароос эхлэн үнэ хаялцуулсан аж. 188 ширхэг яснаас бүтэх энэхүү араг яс нь бараг гүйцэд, хамгийн сайн хадгалагдсан гэдгээрээ онцлог агаад 1987 онд Өмнөд Дакотад хийсэн малтлагаар илрүүлсэн. 

Карабахт мөргөлдөөн үргэлжилсээр 

Өвөр Кавказын Уулын Карабахт зэвсэгт мөргөлдөөн үргэлжилсээр байна. Зөрчлийн бүсэд энгийн иргэд амиа алдаж, мягмар гарагийн шөнө Степанакерт хот руу цэргүүд гал нээсэн тухай мэдээлжээ. Армени, Азербейжаны тал бие биенээ зэвсэгт мөргөлдөөнд өдөөн хатгасан, энгийн иргэд рүү халдсан хэмээн  буруутгаж байгаа юм. 

Сооронбай Жээнбековыг огцруулах уу 

Кыргызстаны Ерөнхийлөгч Сооронбай Жээнбековт хариуцлага тооцох, цаашлаад огцруулах, эсэх асуудлыг парламент хэлэлцэх гэнэ. Парламентын  сонгуулийн дүнг эсэргүүцэн жагссан сөрөг хүчнийхэн Засгийн газар, хүчний байгууллагын байр руу дайран орж, өмнө нь авлигын хэргээр ял сонсон хоригдож буй улстөрчдийг сулласан билээ. Тэд мөн засгийн эрхийг гартаа авснаа зарлаж, парламентын даргаар сөрөг хүчний намын төлөөллийг томилсон. Гэвч Ерөнхийлөгч Сооронбай Жээнбеков үүнийг хууль бус, төрийн эргэлт хийх оролдлого  гэж үзэж буйгаа илэрхийлсэн юм. Сүүлийн 15 жилд гурван удаа хувьсгал хийсэн кыргызстанчууд энэ удаад мөн сонгуулийн дүнг хүчингүйд тооцон, дахин санал хураалт явуулах шийдвэр гаргуулж чадлаа. 

Нобелийн шагналын эздийг зарлалаа 

Физикийн шинжлэх ухааны салбарт амжилт гаргаж, хар нүхний талаар судалгаа хийсэн Оксфорд, Калифорнийн их сургуулийн эрдэмтэд Рожер Пенроуз, Рейнхард Генцеля болон Андреа Гез нар Нобелийн шагнал олгож буйг зарлалаа. Тэдний хийсэн судалгааны үр дүн  Альберт Эйнштейний Харьцангуйн онолын нотолгоо болсон гэж Нобелийн шагналын хороо онцолсон байна.