Нобелийн долоо хоног эхэллээ 
Хими, физик, анагаах ухаан, утга зохиолын салбарт энэ онд амжилт гаргаж, хүн төрөлхтний түүхэнд гавьяа байгуулсан эрхмүүдэд Нобелийн шагнал олгох долоо хоног эхэллээ. Тодруулбал, өнөөдөр буюу даваа гарагт анагаах ухаан, физиологийн, мягмар гарагт физикийн, лхагва гарагт хими, пүрэв гарагт утга зохиолын шагналтнуудын нэрсийг зарлаж, баасан гарагт шагнал гардуулах ёслолыг Ослод зохион байгуулна. Энэ жил 318 хүн Нобелийн шагналд нэр дэвшиж байна. 

Кензо Такада таалал төгслөө 

Загварын “Кenzo” брэндийг үндэслэгч, загвар зохион бүтээгч Кензо Такада коронавирусийн халдвар авч, улмаар таалал төгссөн байна. 81 насандаа Парист таалал төгссөн нэрт загвар зохион бүтээгч тэрбээр 1960-аад онд Францад суурьшсан бөгөөд дэлхийн загварын ертөнцөд нэрээ гаргасан анхны япон дизайнеруудын нэг болсон билээ. 

Мэтгэлцээнийг хойшлуулахыг зөвшөөрч байна 

Ерөнхийлөгч Дональд Трамп коронавирусээр өвчилж, эмнэлэгт эмчлүүлж буйтай холбоотойгоор нэр дэвшигчдийн мэтгэлцээний товыг хойшлуулахыг Жо Байден зөвшөөрч буйгаа мэдэгдлээ. Трампын биеийн байдал цаашид хэрхэхээс хамааран мэтгэлцээний хуваарьт өөрчлөлт оруулахад бэлэн гэдгийг Жо Байдены штабаас онцолж байна. Нэр дэвшигчдийн анхны мэтгэлцээн есдүгээр сарын 29-нд болсон бөгөөд дараачийнх нь энэ сарын 15-нд Флорида мужийн Майамид  болох юм.